1990 سے 2001 تک توشہ خانہ کا ریکارڈ 7 روز میں پبلک کیا جائے، لاہور ہائیکورٹ کا تحریری فیصلہ جاری
لاہور(ڈیلی پاکستان آن لائن) لاہور ہائیکورٹ نے توشہ خانہ کا ریکارڈ پبلک کرنے سے متعلق کیس کا تفصیلی فیصلہ جاری کردیا ہے۔
فیصلہ میں کہا گیا ہے کہ حکومت عدالتی حکم کی مصدقہ نقل کے سات یوم میں توشہ خانہ کا ریکارڈ پبلک کرے،حکومت 1990 سے 23 مارچ 2023 تک تحائف دینے والوں کا نام بھی 7 یوم میں پبلک کرے، تحائف کی ملکیت حکومت کے پاس ہوتی ہے، یہ تب تک حکومت کے پاس ہوتے ہیں جب تک انہیں لینے کا طریقہ نہ اختیار کیا جائے۔
فیصلے میں کہا گیا تحائف کا چھپانا یا اس کی قیمت ادا نہ کرنا غلطی ہے جو خرابی کی رغبت دیتی ہے، توقع کی جاتی ہے کہ جنہوں نے تحائف لیے وہ رضاکارانہ طور پر اسے ڈیکلیئر کریں، ایسا نہ کرنے والوں کے خلاف فوجداری ایکشن ہو سکتا ہے، کوئی قانون سے بالا تر نہیں اور نہ کسی کو اپنے فائدے کیلئے ریاست کو نقصان پہنچانے کی اجازت ہے۔
