چیمپئنز ٹرافی، آئی سی سی وفد کا قذافی سٹیڈیم کا دورہ
لاہور(سپورٹس رپورٹر)چیمپئنز ٹرافی کے انتظامات کا جائزہ لینے کیلئے پاکستان میں موجود آئی سی سی وفد نے پی سی بی کے ہیڈ کوارٹر قذافی اسٹیڈیم کا دورہ بھی مکمل کرلیا۔سینئیر مینجر ایونٹ آپریشنز سارا ایڈگر اور مینجر ایونٹ آپریشنز عون محمد زیدی نے تاریخی قذافی اسٹیڈیم مین گراونڈ،ڈریسنگ رومز، میڈیا سہولیات اوردوسرے انتطامات کا جائزہ لیا۔گراونڈ میں موجود ڈیجیٹل اسکرین، وی وی آئی پی باکسز اور ہوٹل سے اسٹیڈیم تک کے روٹ کا بھی معائنہ کیا، وفد اسلام آباد پہنچے گا، جہاں آخری مرحلے میں آج پنڈی اسٹیڈیم کا وزٹ رکھا گیا ہے۔سربراہ ہیڈ آف ایونٹس کرس ٹیٹلی بھی اسلام آباد پہنچ رہے ہیں، وفد کی پی سی بی سربراہ اور وزیر داخلہ محسن نقوی سے ملاقات طے ہے۔ وفد واپسی کے بعد اپنی رپورٹ آئی سی سی کو جمع کرائے گا، جس کے بعد رپورٹ ممبر ممالک کے ساتھ بھی شیئر کی جائے گی یاد رہے کہ اس سے قبل آئی سی سی کے وفد نے کراچی کے نیشنل کرکٹ سٹیڈیم کا دورہ کیا تھا اور انتظامات کا جائزہ لیا تھا وفد دیگر مقامات کا بھی دورہ کرے گا جس کے بعد وہ پی سی بی کے حکام سے بھی ملاقات کرے گا۔
