افریقی وکیل کی اوباما کی بیٹی سے شادی کی خواہش ، گائے اور بھیڑیں دینے کی پیشکش

افریقی وکیل کی اوباما کی بیٹی سے شادی کی خواہش ، گائے اور بھیڑیں دینے کی ...
افریقی وکیل کی اوباما کی بیٹی سے شادی کی خواہش ، گائے اور بھیڑیں دینے کی پیشکش

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

نیروبی ، واشنگٹن (مانیٹرنگ ڈیسک) کینیاءکے ایک وکیل نے امریکی صدرباراک اوباما کی صاحبزادی ’مالیا‘ سے شادی کی خواہش کااظہار کردیا اور وہ جولائی میں اوباما کے دورہ کے موقع پر پروپوز کرنے کا ارادہ رکھتے ہیں ، موصوف نے 50گائے ، 70بھیڑیں اور 30بکریاں بھی بدلے میں دینے کی پیشکش کردی۔

عرب میڈیا کے مطابق فیلکس کپرونونے ایک انٹرویو میں بتایاکہ 2008ءسے وہ مالیا سے شادی میں دلچسپی رکھتاہے ،اس وقت اوباما کے پہلے دور صدارت کی مہم جاری تھی اور مالیا صرف 10سال کی تھی ۔ اس وقت سے کسی ’ڈیٹ ‘پر نہیں گیا اور فیصلہ کیا کہ اُسی(مالیا) سے وفادار رہوں گا، اپنے خاندان سے اپنی خواہش کا اظہار کیا اور وہ میری دلہن لانے کے لیے مدد (لائیو سٹاک ) دینے کو تیار ہیں ۔

وکیل نے بتایاکہ اوباما کے سامنے یہ پیشکش رکھنے کا فیصلہ کیاہے اور صدر بننے کے بعد اپنے آبائی ملک کے دورے کے موقع پر صدرکی بیٹی بھی ساتھ ہی ہوں گی ، میں ایک خط لکھ رہاہوں جس میں اوباما سے درخواست کروں گاکہ اپنے دورے کے موقع پر اپنی صاحبزادی کو ساتھ لائیں اور یقین ہے کہ سفارتخانہ یہ خط اوباماتک پہنچائے گی ، لوگ یہ کہہ سکتے ہیں کہ مجھے پیسوں کالالچ ہے لیکن یہ بات نہیں ، میری محبت سچی ہے ۔پروپوزل کی تیاریاں بھی مکمل کرلی گئی ہیں جو گاﺅں کے نزدیک ایک پہاڑی پر کی جائے گی اور شادی کے بعد ایک سادہ زندگی بسرکریں گے ،میں مالیا کو یہ سکھادوں گاکہ گائے کا دودھ کیسے دوہتے ہیں ۔

یہاں یہ امر بھی قابل ذکرہے کہ 90سال سے زائد عمرکی اوباما کی دادی تاحال حیات ہیں اور وہ مغربی کینیاءمیں کوگیلو کے علاقے میں رہائش پذیر ہیں جہاں اوباما کے دیگر رشتہ دار بھی مقیم ہیں ۔

مزید : بین الاقوامی