صحرائے تھر میں پارہ 45 ڈگری کو عبور کرگیا

صحرائے تھر میں پارہ 45 ڈگری کو عبور کرگیا
صحرائے تھر میں پارہ 45 ڈگری کو عبور کرگیا

  

تھر  پارکر(ویب ڈیسک) صحرائے تھر میں پڑنے والی شدید گرمی نے انسانی و حیوانی زندگی کو بری طرح متاثر کر دیا ہے، صحرا میں گرمی کا پارہ 45 ڈگری کو بھی عبور کرگیا۔کیا انسان، کیا حیوان اور کیا چرند پرند، تھر کے صحرا میں پڑنے والی شدید گرمی نے سب کا براحال کردیا ہے۔

طلوعِ آفتاب کے ساتھ شروع ہونے والی گرمی رات گئے تک جاری رہتی ہے اور صحرا میں دھوپ کی شدت اور ریت کی حدت نے علاقے کو جوالہ بنا دیا ہے۔شدید گرمی کے سبب صحرائی وادیاں سنسان دکھائی دیتی ہیں، انسان، مویشی اور چرند پرند کچے مکانات اور درختوں کی چھاﺅں میں پناہ لیے دکھائی دیتے ہیں۔بنیادی سہولتوں کی عدم فراہمی نے شدید گرمی میں مکینوں کے لیے مزید مشکلات پیدا کر دی ہیں۔شدید گرمی کی طویل لہر کے دوران بعض اوقات چلنے والی ہوا بھی لو کے تھپیڑوں میں بدل کر ماحول کو مزید گرما دیتی ہے۔

مزید :

ماحولیات -علاقائی -سندھ -تھرپارکر -