" وہ خواتین 12 گارڈز لے کر میرے گھر میں آئی اور ہم یتیموں کو ۔۔۔ " اداکارہ عظمیٰ خان نے   کس کے خلاف مقدمہ درج کرادیا

" وہ خواتین 12 گارڈز لے کر میرے گھر میں آئی اور ہم یتیموں کو ۔۔۔ " اداکارہ ...

  

لاہور (ڈیلی پاکستان آن لائن) اداکارہ عظمیٰ خان کی جانب سے سوشل میڈیا پر وائرل ہونے والی ویڈیو پر موقف جاری کردیا گیا ۔ اداکارہ کا کہنا ہے کہ انہیں ان کے گھر میں 12 گارڈز کے ساتھ آنے والی خواتین نے ہراساں کیا۔

اپنے بیان میں اداکارہ عظمیٰ خان نے کہا کہ " مجھے گزشتہ 3 دنوں کے دوران شرمندہ، بلیک میل  اور ہراساں کیا گیا اور جان سے مارنے کی دھمکیاں بھی دی گئیں۔ مجھے محسوس ہوتا ہے کہ میرے پاس کھونے کو کچھ بھی نہیں  اس لیے میں نے پاکستان کے سب سے مضبوط لوگوں کے ساتھ لڑنے کا فیصلہ کیا ہے، یا تو مجھے انصاف ملے گا یا مجھے قتل کردیا جائے گا لیکن میں پیچھے نہیں ہٹوں گا۔"

اداکارہ عظمیٰ خان نے کہا کہ وہ ملک ریاض کی بیٹیوں امبر ملک اور پشمینہ ملک کے خلاف لڑیں گی ، جنہوں نے آدھی رات کو میرے گھر پر 12 گن مینوں کے ساتھ حملہ کیا۔

اداکارہ  نے پولیس سے درخواست کی کہ ان کے اور ان کی بہن کے میڈیکل کرائے جائیں اس سے پہلے کہ ان کے زخم بھرنا شروع ہوجائیں۔

عظمیٰ خان نے کہا کہ ان خواتین کے گن مینوں نے 2 یتیموں کی طرف بندوقیں تانیں اور انہیں جنسی ہراساں کیا۔ " ہم کمزور ہوسکتے ہیں لیکن ہمیں اللہ اور پاکستان کے عوام پر یقین ہے۔"

اداکارہ عظمیٰ خان نے اپنے مقدمے کی پیروی کیلئے وزیر اعظم عمران خان کے بھانجے حسان نیازی اور خدیجہ صدیقی کو وکیل مقرر کیا ہے۔

خیال رہے کہ سوشل میڈیا پر ایک ویڈیو وائرل ہورہی ہے جس میں دیکھا گیا ہے کہ اداکارہ عظمیٰ خان اور ان کی بہن کو کچھ خواتین نے مبینہ طور پر رنگے ہاتھوں پکڑا ہے۔ ویڈیو بنانے والی خاتون کو عظمیٰ خان پر عثمان نامی شخص کے ساتھ ناجائز تعلقات قائم کرنے کا الزام لگاتے ہوئے بھی سنا جاسکتا ہے۔

دوسری جانب سوشل میڈیا پر ملک ریاض کا نام سامنے آنے کے بعد انہوں نے وضاحت جاری کی ہے اور کہا ہے کہ عثمان نامی شخص ان کا بھتیجا نہیں ہے، انہیں بلا وجہ نشانہ بنایا جارہا ہے ۔ چیئرمین بحریہ ٹاؤن نے یہ وارننگ بھی دی کہ ان کے خلاف سوشل میڈیا پر پراپیگنڈا کرنے والوں کے خلاف قانونی چارہ جوئی کی جائے گی۔

مزید :

تفریح -