عمران خان کی لانگ مارچ کے دوران جاں بحق ہونے والے کارکن کے گھر آمد ، اہلخانہ سے تعزیت کی 

عمران خان کی لانگ مارچ کے دوران جاں بحق ہونے والے کارکن کے گھر آمد ، اہلخانہ ...
عمران خان کی لانگ مارچ کے دوران جاں بحق ہونے والے کارکن کے گھر آمد ، اہلخانہ سے تعزیت کی 

  

پشاور  (ڈیلی پاکستان آن لائن ) چیئرمین پاکستان تحریک انصاف عمران خان  مردان پہنچے اور لانگ مارچ کے دوران  جاں بحق ہونے والے کارکن سید احمد کے گھر گئے ، سابق وزیر اعظم نے مرحوم کے اہلخانہ سے تعزیت کی ۔

 چیئرمین پاکستان تحریک انصاف عمران خان مردان پہنچے جہاں وزیر اعلیٰ خیبرپختونخوا محمود خان سمیت پارٹی کے دیگر رہنماؤں نے ان کا استقبال کیا ،  عمران خان لانگ مارچ کے دوران جاں بحق ہونے والے پارٹی کارکن کے گھر گئے ، اہلخانہ سے ملاقات کی اور اظہار تعزیت کیا۔ 

سابق ویر اعظم نے کہا کہ سید احمد  جیسے کارکنوں کی قربانیوں سے ہی حقیقی آزادی حاصل ہوتی ہے ، ہم اس قربانی کو بھولنے نہیں دیں گے ،  پارٹی کو سید احمد کی قربانی پر فخر ہے ، ان کی قربانی رائیگاں نہیں جائے گی ۔

 عمران خان نے مزید کہا کہ پارٹی سید احمد کے اہلخانہ کو تنہا نہیں چھوڑے گی، مرحوم کے بچوں کا ہر ممکن خیال رکھا جائے گا۔

مزید :

قومی -علاقائی -خیبرپختون خواہ -مردان -