محکمہ موسمیات نے اگلے ہفتے سے مزید بارشوں کی پیشگوئی کردی
اسلام آباد ( آن لائن ) محکمہ موسمیات نے اگلے ہفتے سے مزید بارشوں کی پیشگوئی کردی ۔ محکمہ موسمیات کے مطابق ملک بھر میں درجہ حرارت معمول سے کم رہنے کا امکان ہے ،مغربی ہوائیں 28 مئی سے ملک کے بالائی و وسطی علاقوں میں داخل ہونگی،28 مئی سے 30 مئی کے دوران بلوچستان کے اکثر مقامات پر آندھی اور گرج چمک کے ساتھ بارش کا امکان ہے جبکہ سکھر دادو کراچی حیدرآباد جیکب آباد لاڑکانہ شہید بینظیر آباد میرپور خاص اور خیرپور میں بھی بادل برسنے کا امکان۔ محکمہ موسمیات کا کہنا ہے کہ اس دوران لیہ بھکر دی جی خان راجن پور رحیم یار خان ملتان بہاولنگر ساہیوال خانیوال اوکاڑہ میں بھی بادل برسیں گے۔ 28 مئی سے 31 مئی کے دوران آزاد کشمیر گلگت بلتستان اور خیبرپختونخوا کے بیشتر مقامات پر آندھی اور گرج چمک کے ساتھ بادل برسیں گے۔ اسلام آباد مری گلیات راولپنڈی اٹک جہلم چکوال گوجرانولہ میں آندھی اور جھکڑ چلنے کے ساتھ بارش کی توقع۔ سرگودھا شیخوپورہ خوشاب میانوالی ناروال قصور جہلم فیصل آباد ٹوبہ ٹیک سنگھ جھنگ اور لاہور میں بارش کا امکان۔ اس دوران چند مقامات پر موسلادھار بارش اور ڑالہ باری کا امکان۔ پنجاب خیبرپختونخوا سندھ بلوچستان میں کمزور انفراسٹرکچر اور کھڑی فصلوں کو نقصان کا خطرہ ہے ۔
محکمہ موسمیات
