سرکاری چھتری تلے بننے والی پارٹی کبھی بھی کامیاب نہیں ہوتی ، شیخ رشید
راولپنڈی (مانیٹرنگ ڈیسک) سابق وزیرداخلہ و سربراہ عوامی مسلم لیگ شیخ رشید احمد کاکہنا ہے کہ سرکاری چھتری تلے جو بھی پارٹی بنی ہے یا عنقریب بنے گی وہ کبھی کامیاب نہیں ہوتی،قوم حوصلہ ہارگئی توسیاست سیاسی قبرستان بن جائےگا، آپ ایک شخص کی سیاست اورا±سکی پارٹی کودفن کر نے جارہے ہیں یاا±سے خمینی بنانے جارہے ہیں اسکا فیصلہ وقت کرےگا۔۔سربراہ عوامی مسلم لیگ شیخ رشید احمد نے سماجی رابطے کی ویب سائٹ ٹوئٹر پر ایک بیان میں کہا ہے کہ میں 50سال سے اکیلی سیٹ پر پاکستان کی سیاست میں حق اور سچ کے ساتھ کھڑا ہوں، عدلیہ نے فیصلوں میں دیر کی تو وقت کسی کا انتظار نہیں کرتا، ہر طرف مایوسی چھائی ہوئی ہے، موسم بہار آکر رہے گا، جیسے تیسے بھی الیکشن ہوکر رہیں گے۔سابق وزیرداخلہ کا کہنا تھا کہ یہ سارے میثاق جمہوریت کی پیداوار میثاق آمریت کی گود میں بیٹھے ہیں۔ قوم کو مایوسی کے کنویں سے نکالاجائے اور امید کی شمع روشن کی جائے، تمام قیادت کی عمر70سال سے زیادہ ہے اور جیلوں میں جانے والے کی عمر 20سال ہے، بیماری کے بہانے ملک سے بھاگتے ہیں اور بیماری کے بہانے ہی تین تین بار پارٹی چھوڑتے ہیں۔انہوں نے کہا کہ ساری قوم9 مئی کے واقعے کی مذمت کر رہی ہے اورشہدا کے شانہ بشانہ کھڑی ہے، 13 پارٹیاں 9مئی کے واقعے سے سیاست نکالنے کی ناکام کوشیش کررہی ہیں۔
شیخ رشید
