بہالپور(ڈیلی پاکستان آن لائن )سگے باپ نے بہالپورمیں اپنی 2 ننھی بیٹیوں کو قتل کر دیا ۔
تفصیلات کے مطابق یہ افسوسناک واقعہ بہالپور کے نواحی علاقے مسافر خانہ کے قریب پیش آیا، ملزم کی اپنی بیوی کے ساتھ گھریلو تنازعات کے باعث ناراضگی چل رہی تھی اور بیوی نے عدالت سے بچیوں کی حوالگی کیلئے رجوع کر رکھا تھا ۔
پولیس عدالتی احکامات پر عملدرآمد کرواتے ہوئے جب بچیاں لینے باپ کے پاس پہنچیں تو ملزم نے پولیس اہلکاروں کو گھر کے باہر ہی انتظار کر نے کا کہا ، جس کے بعد ملزم اندر گیا 5 سالہ بیٹی لائبہ اور تین سالہ طوبہ کو سر پر بھاری چیز مار کر قتل کر دیا ۔
باپ کے ہاتھوں قتل ہونے والی بچیوں کی لاشوں کو پوسٹمارٹم کے لیے ہسپتال منتقل کردیا گیا جبکہ آلہ قتل تحویل میں لے کر ملزم سرفراز کو تھانہ مسافر خانہ منتقل کردیا گیا۔