بجٹ سے پہلے حکومت نے پیٹرول کے حوالے سے کیا فیصلہ کرنا ہے ۔۔؟ مصدق ملک نے کھل کر بتا دیا

بجٹ سے پہلے حکومت نے پیٹرول کے حوالے سے کیا فیصلہ کرنا ہے ۔۔؟ مصدق ملک نے کھل ...
 بجٹ سے پہلے حکومت نے پیٹرول کے حوالے سے کیا فیصلہ کرنا ہے ۔۔؟ مصدق ملک نے کھل کر بتا دیا

  IOS Dailypakistan app Android Dailypakistan app

کراچی ( مانیٹرنگ ڈیسک) وفاقی وزیر سینیٹر مصدق ملک نے کہا ہے کہ بجٹ سے پہلے ہمیں پیٹرول پر جی ایس ٹی کے نفاذ کا فیصلہ کرنا ہے ، آئی ایم ایف کا مطالبہ ہے کہ آمدنی کا ہدف پورا کریں ، کیسے کرنا ہے یہ ہمارا کام ہے ۔

 انہوں نے ان خیالات کا اظہار نجی ٹی وی کے پروگرام ”نیا پاکستان “میں میزبان شہزاد اقبال سے گفتگو کرتے ہوئے کیا ۔پروگرام میں سینئر صحافی و تجزیہ کار محمد مالک  اور کرکٹر احمد شہزاد نے بھی گفتگو کی ۔ 

مصدق ملک نے کہا کہ حکومت کو اس وقت پور ااعتمادہے کہ ہم صحیح سمت جارہے ہیں۔ آئی ایم ایف، ورلڈ بینک، ایشیئن ترقیاتی بینک کی جانب سے اور دیگر عالمی اداروں کی جانب سے مثبت اشارے مل رہے ہیں ۔ایک شخص جو 3 کروڑ کی موٹر گاڑی چلا رہا ہے ۔ڈیفنس میں 5 کروڑ کا 1 کنال کا پلاٹ خرید رہا ہے ٹیکس ادا نہیں کررہا۔بجلی اور گیس چوروں کی رقم کی ادائیگی دیگر صارفین کرتے ہیں۔ہم نے کوشش کی کہ جس طرح ہم نے امیر اور غریب کا گیس کا ٹیرف علیٰحدہ کیا ہے۔ہم نے کوشش کی کہ امیر اور غریب کا پیٹرول کا بوجھ بھی علیٰحدہ کردیں مگراس میں ہمیں اندرونی طور پر بہت مدافعت آئی۔ آئی ایم ایف نے کہا کہ آپ اپنا ملک سیدھا کرلیں اور اہداف پورے کریں۔آئی ایم ایف کا مطالبہ یہ ہے کہ آپ نے آمدنی کا ہدف پورا کرنا ہے اس ہدف کو کیسے پورا کرنا ہے یہ اب ہمارا کام ہے۔اگر ہم ملک کو پی ٹی آئی کی مہم کے زاویئے سے دیکھنا شروع کریں گے تومناسب نہیں ہوگا۔