امریکی اداکار کوڈکیتی میں مزاحمت پر گولیاں مار کر قتل کر دیا گیا

 امریکی اداکار کوڈکیتی میں مزاحمت پر گولیاں مار کر قتل کر دیا گیا
 امریکی اداکار کوڈکیتی میں مزاحمت پر گولیاں مار کر قتل کر دیا گیا

  IOS Dailypakistan app Android Dailypakistan app

لاس اینجلس (ڈیلی پاکستان آن لائن )امریکی اداکار جونی ویکٹر کو ڈکیتی مزاحمت پر ملزمان نے گولیاں مار کر قتل کر دیا۔
برطانوی نشریاتی ادارے بی بی سی کے مطابق لاس اینجلس میں ڈکیتوں کی جانب سے اداکار کی گاڑی سے کچھ حصہ چوری کرنے کی کوشش کی گئی اس دوران 3 افراد نے جونی ویکٹر پر فائرنگ کردی۔رپورٹ میں بتایا گیا ہے کہ فائرنگ کی وجہ سے اداکار شدید زخمی ہوگئے تاہم بعد میں زخموں کی تاب نہ لاتے ہوئے انتقال کر گئے۔اداکار کی والدہ نے امریکی میڈیا سے بات کرتے ہوئے بتایا کہ ویکٹر پارکنگ میں کھڑی اپنی گاڑی کے پاس واپس جارہے تھے کہ انہوں نے دیکھا کہ کچھ نامعلوم افراد ان کی گاڑی سے کچھ نکالنے کی کوشش کررہے ہیں۔انہوں نے بتایا کہ جب ویکٹر نے ان افراد سے پوچھا کہ یہ کیا کررہے اور انہیں روکنے کی کوشش کی تو اس دوران ملزمان نے فائرنگ کردی اور پھر فرار ہوگئے۔ رپورٹ کے مطابق اب تک کسی بھی گرفتاری کی کوئی اطلاعات نہیں ہیں، پولیس کی جانب سے ملزمان کی تلاش جاری ہے۔واضح رہے کہ جونی ویکٹر نے 2013 میں NBC series کی Siberia میں اداکاری کی جبکہ وہ معروف ٹی وی سیریز Westworldمیں بھی کام کرتے نظر آئے۔