چودھری نثار اسلام آباد میں ہیں، بکتربند گاڑی میں لیجائے جانے کی خبر جھوٹی ہے ‘ ترجمان

چودھری نثار اسلام آباد میں ہیں، بکتربند گاڑی میں لیجائے جانے کی خبر جھوٹی ہے ...

اسلام آباد (آئی این پی ) مسلم لیگ ن کے سینئر رہنما چوہدری نثار علی خان کے ترجمان نے میڈیا کے بعض حلقوں اور خصوصاً سوشل میڈیا پر چوہدری نثار علی خان کے گھر پر مظاہرین کے حملے اور انکو بکتربند گاڑی میں محفوظ مقام تک منتقل کیے جانے کی خبروں کی وضاحت کرتے ہوئے کہا ہے گزشتہ ایک ہفتے سے آمدورفت میں درپیش مسائل کے باعث چوہدری نثار علی خان اسلام آباد میں قیام پذیر ہیں۔ لہٰذا انکو بکتر بند گاڑی میں لے جائے جانے کی خبر میں کوئی صداقت نہیں۔گزشتہ روز بعض شرپسند عناصر کی جانب سے انکے گھر پر دھاوا بولنے کی کوشش کی گئی جس سے مرکزی دروازے اور گھر کی دیوار کو نقصان پہنچا تاہم ان کے گھر پر سیکیورٹی پر مامور جوانوں نے فرض شناسی اور بہادری کا مظاہرہ کرتے ہوئے شرپسندوں کی اس کوشش کو ناکام بنا دیا۔ چوہدری نثار علی خان کی خیرو عافیت دریافت کرنے کیلئے موصول شدہ کالز پر بات کرتے ہوئے ترجمان نے تمام خیرخواہوں کا شکریہ ادا کیا۔

مزید : صفحہ آخر