جھنگ سے ن لیگی ارکا ن اسمبلی نے استعفے حمید الدین سیالوی کو پیش کردئیے ، نجی ٹی وی کا دعوی
جھنگ ( مانیٹرنگ ڈیسک) فیض آباد میں جاری دھرنے کیخلاف آپریشن کے بعد مسلم لیگ (ن) اندرونی طور پر ٹوٹ پھوٹ کا شکار ہوگئی ہے، حکومتی آپریشن کے خلاف مسلم لیگ کے 10ممبران قومی و صوبائی اسمبلی نے احتجاجا مستعفی ہونے کا اعلان کردیا ہے۔ نجی ٹی وی چینل 92نیوز کے مطابق فیض آباد میں حکومتی آپریشن کے حوالے سے جھنگ میں دربارسیال شریف کے سجاد ہ نشین حمید الدین سیالوی کی سربراہی میں بڑی بیٹھک لگائی گئی ، اس مجلس میں مسلم لیگ(ن) کے 4 ممبران قومی اسمبلی اورپنجاب اسمبلی کے5ممبران نے اپنے استعفے حمید الدین سیالوی کو پیش کردئیے۔ اپنے استعفے پیش کرنیوالوں میں مسلم لیگ (ن) کے ایم این اے شیخ محمد اکرم ، غلام محمد لالی ، حامد حمید اور ذوالفقار بھٹی شامل ہیں جبکہ ن لیگی ایم پی اے عبد الرزاق ڈھلوں ، محمد خان بلوچ، راجہ منور غوث ، وارث کلو اور مولانا رحمت شامل ہیں ۔ ممبران قومی و صوبائی اسمبلی نے سجادہ نشین سے کہا اگر وزیر قانون مستعفی نہیں ہوتے تو ہمارے استعفے حکومت کو پہنچا دئیے جائیں۔دوسری جانب وہاڑی میں مذہبی جماعت کے دھرنے سے خطاب میں مسلم لیگ (ن) کے ایم این اے طاہر اقبال چوہدری نے بھی اپنے استعفے کا اعلان کرتے ہوئے کہاانہوں نے نواز شریف کو ووٹ نہیں دیا اور وہ ناموس رسالتؐ کیخلاف اقدامات کرنیو الی حکومت کیساتھ مزید نہیں چل سکتے۔
استعفے