شہر قائد سے فوری طور پر دھرنے ختم کرائے جائیں، وزیراعلی سندھ کی ہدایت

شہر قائد سے فوری طور پر دھرنے ختم کرائے جائیں، وزیراعلی سندھ کی ہدایت

کراچی (این این آئی)وزیراعلی سندھ سید مراد علی شاہ نے شہر قائد میں جاری دھرنوں کا نوٹس لیتے ہوئے متعلقہ حکام کو فوری طور پر صورت حال کنٹرول کرنے کی ہدایت جاری کی ہے۔تفصیلات کے مطابق وزیراعلی سندھ نے یہ نوٹس حب رور روڈ کا افتتاح کے موقع پر لیا ، انہوں نے فوری طور پر کمشنر کراچی اور آئی جی سندھ کو صورتحال کنٹرول کرنے کی ہدایت کی ہے،اس سے قبل وزیراعلی سندھ نے بارہ کلومیٹر طویل حب ریور روڈ کا افتتاح کیا، اس موقع پر تقریب سے خطاب کرتے ہوئے مراد علی شاہ کا کہنا تھا کہ چیئرمین بلاول بھٹو زرداری کی ہدایت پر صوبے میں ترقیاتی کام جاری ہیں،وسائل کم ہیں لیکن ترجیحات طے کرکے کام کرنا پڑتا ہے۔مراد علی شاہ کا کہنا تھا کہ حب ریور روڈ نہایت اہمیت کا حامل ہیں ، اس سڑک سے سندھ اور بلوچستان ملتے ہیں انہوں نے بتایا کہ دسمبر کے مہینے سے کراچی پیکج کے اگلے حصے پر کام شروع ہوجائے گا۔تقریب سے خطاب کرتے ہوئے مرادعلی شاھ کا کہنا تھا کہ سندھ میں آٹھ ملین ٹن چینی پیدا ہوتی ہے جب کہ کھپت پانچ ملین ٹن ہے، دو ملین ٹن چینی ایکسڑا ہے، لیکن وفاقی حکومت نے صوبہ سندھ سیچینی کی برآمد پر پابندی لگادی ہے، اب عالمی مارکیٹ میں چینی میں بیس روپے کا فرق ہے۔ وزیراعلی سندھ نے کہا کے ہم ہم چاہتے ہیں کسانوں کو گنے کی صحیح قیمت ملے، یہ مسئلہ وفاقی حکومت نے پیدا کیا ہے۔

وزیراعلی سندھ

مزید : کراچی صفحہ اول