حکومت اپوزیشن کو دیوار کیساتھ لگانے کا سلسلہ بندکردے
اے این پی کے مرکزی رہنما غلام احمد بلور نے ایشو آف دی ڈے میں بات کرتے ہوئے کہا ہے کہ اس وقت ضرورت اس بات کی ہے کہ احتساب صرف ایک جماعت یا پھر صرف اپوزیشن کا ہی نہیں بلکہ حکومتی صفوں میں بیٹھے ایسے لوگوں کا بھی کیا جائے جن پر کرپشن کے کیسز زیر التوء ہیں اور وہ کابینہ میں بیٹھ کر حکومت کے مزے لے رہے ہیں حکومت اپوزیشن کو ساتھ لیکر چلے گی تواس سے یقینی طور پر سیاسی کشیدگی کو کم کرنے میں مدد ملے گی لیکن یہاں پر تو حکومت اپوزیشن کو دیوار کے ساتھ لگانے میں مصروف ہے۔انہوں نے کہا کہ جہاں تک میری اطلاعات ہیں تو اس کے مطابق ابھی تک عدالتوں کی طرف سے کوئی ایسا فیصلہ سامنے نہیں آیا کہ جس کے مطابق شریف فیملی کی ملوں کو بند کرنے کا کوئی حکم نامہ سامنے آیا ہو اس لئے ہم کہتے ہیں کہ حکومت ایک قدم آگے بڑھے اور اپوزیشن کو دبانے کا سلسلہ بند کرے اس سے سیاسی ماحول خود بخود ہی ٹھیک ہو جائے گا۔
غلام احمد بلور