آذربائیجان کے سفیر کی آصف غفور کو ترقی پر دلچسپ انداز میں مبارکباد، دھوم مچ گئی

آذربائیجان کے سفیر کی آصف غفور کو ترقی پر دلچسپ انداز میں مبارکباد، دھوم مچ ...
آذربائیجان کے سفیر کی آصف غفور کو ترقی پر دلچسپ انداز میں مبارکباد، دھوم مچ گئی
سورس:   Twitter/@Ali_F_Alizada

  

اسلام آباد (ویب ڈیسک) آذربائیجان کے سفیر علی علی زادہ نے سابق ڈی جی آئی ایس پی آر میجر جنرل آصف غفور کو لیفٹیننٹ جنرل کے عہدے پر ترقی کی مبارکباد دی۔

آذربائیجان کے سفیر علی علی زادہ نے ٹوئٹر پر ایک ویڈیو ری ٹوئٹ کی جس میں لیفٹیننٹ جنرل آصف غفور اپنے ایک دورے میں فوجی جوانوں سے ملاقات کے موقع پر ان کے ساتھ روایتی رقص کررہے ہیں۔علی علی زادہ کی جانب سے شیئرکی گئی ویڈیو پر مشہور سرائیکی گانا بھی لگاہوا ہے۔

اس موقع پر آذربائیجان کے سفیر علی علی زادہ نے آصف غفور کو لیفٹیننٹ جنرل کے عہدے پر ترقی کی مبارکباد دینے کے ساتھ ساتھ نیک خواہشات کا اظہار بھی کیا۔

خیال رہے کہ گزشتہ دنوں پاک فوج کے 6 میجر جنرلز کو اگلے رینک لیفٹیننٹ جنرل کے عہدے پر ترقی دی گئی تھی۔

ترقی پانے والوں میں میجر جنرل آصف غفور کے ساتھ ساتھ میجر جنرل اختر نواز، میجر جنرل سردار حسن اظہر حیات، میجر جنرل سلمان فیاض غنی، میجر جنرل سرفراز علی اور میجر جنرل محمد علی شامل ہیں۔

مزید :

علاقائی -اسلام آباد -