خطیب لال مسجد نے عمران خان کے دھرنے کی حمایت کردی

خطیب لال مسجد نے عمران خان کے دھرنے کی حمایت کردی
خطیب لال مسجد نے عمران خان کے دھرنے کی حمایت کردی

  

اسلام آباد (صباح نیوز)شہداءفائونڈیشن آف پاکستان(لال مسجد)کی جانب سے پاکستان تحریک انصاف کے دھرنے کی حمایت کرنے کے عندیہ کے بعد بعض حلقوں کی جانب سے من گھڑت خبریں پھیلائی گئیں کہ لال مسجد نے تحریک انصاف کے دھرنے میں شرکت کا اعلان کردیا ہے۔

اس صورتحال میں خطیب لال مسجد مولانا عبدالعزیز نے لال مسجد و جامعہ حفصہ کی پوزیشن واضح کردی۔گذشتہ روز لال مسجد کے خطیب مولانا عبدالعزیز نے اپنے ایک آڈیو بیان میں کہا ہے کہ” ترجمان شہداءفائونڈیشن حافظ احتشام احمد کی جانب سے پی ٹی آئی کے دھرنے کے متعلق جس رائے کا اظہار کیا گیا ہم اس کا احترام کرتے ہیں تاہم لال مسجد و جامعہ حفصہ کی یہ رائے ہے کہ ملک میں قرآن و سنت کا نفاذ مسائل کا حل ہے نہ کہ چہروں کی تبدیلی، فقط چہروں کی تبدیلی سے مسائل حل نہیں ہوں گے کیونکہ ایسی صورت میں نظام اور قانون یہی رہے گا۔

بھارت ایک مرتبہ پھرجھکنے پر مجبور ہو گیا ،نئی دہلی میں پاکستانی سفارتکار کو گرفتاری کے بعد رہا کرنا پڑ گیا کیونکہ۔۔۔

انھوں نے کہا کہ میں عمران خان صاحب کے موقف کی سو فیصد حمایت کرتا ہوں کہ ملک میں کرپشن، چوری، ڈاکے اور ظلم و ستم انتہا کو ہیں لیکن عمران خان صاحب جو طریقہ اختیار کررہے ہیں کہ موجودہ حکومت چلی جائے اور وہ آجائیں، اس سے مسائل حل نہیں ہوں گے،ہم سمجھتے ہیں کہ جب تک قرآن و سنت کا نفاذ نہ ہو جائے اس وقت تک مسائل حل نہیں ہوں گے۔

مزید : اسلام آباد