ترک بحریہ کا جہاز خیر سگالی دورے پر کراچی پہنچ گیا

ترک بحریہ کا جہاز خیر سگالی دورے پر کراچی پہنچ گیا
ترک بحریہ کا جہاز خیر سگالی دورے پر کراچی پہنچ گیا

  

کراچی(ویب ڈیسک) ترک بحریہ کا جہاز ٹی سی جی بایو کاڈا پاکستان کے دورئہ خیر سگالی پر کراچی پہنچا۔ بندرگاہ آمد پر پاک بحریہ کے سینئر افسران اور ترک سفارت خانے کے عملے نے جہاز کا پر تپاک خیر مقدم کیا۔ کراچی میں قیام کے دوران ترک بحریہ کے افسر اور جوان اپنے پاکستانی ہم منصبوں سے ملاقات کریں گے اور باہمی دلچسپی کے پیشہ ورانہ امور پر تبادلہءخیال کریں گے۔ بحری جہاز کے عملے کے ارکان پاکستان نیوی کے متعدد آپریشنل اور تربیتی یونٹس کا بھی دورہ کریں گے اور مختلف آپریشنل اور تربیتی سرگرمیوں میں حصہ لیں گے۔ دورے کے اختتام پر دونوں ممالک کی بحری افواج کے مابین کھلے سمندر میں مشترکہ بحری مشق کا بھی انعقاد بھی کیا جائے گا۔ پاکستان اور ترکی کے درمیان نہایت قریبی اور مضبوط برادرانہ اور دوستانہ تعلقات قائم ہیں جن کی بنیاد مشترکہ عقائد اور باہمی مفادات پر استوار ہے۔ ان دوستانہ روابط کو مستحکم کرنے میں دونوں ممالک کی بحری افواج کے درمیان دو طرفہ تعلقات اور خیر سگالی کے دورے مرکزی کردار کے حامل ہیں۔

اتحاد ائیرویز نے پاکستانیوں کیلئے ناقابل یقین پیشکش متعارف کروادی

دونوں بحری افواج کے مابین اس نوعیت کے روابط باہمی مفاہمت اور مشترکہ آپریشنز کرنے کی صلاحیت کو فروغ دینے کے ساتھ ساتھ بحری حدود میں امن و استحکام کے حصول کے لیے بھی نہایت اہم ہیں۔ ٹی سی جی بایوکاڈا کے دورئہ خیر سگالی سے دونوں برادر ممالک کے درمیان دفاعی تعلقات اور مشترکہ بحری تعاون کو فروغ حاصل ہو گا۔

مزید : کراچی