نیول چیف کا گوادر، تربت اورماڑہ میں آپریشنل تیاریوں کا معائنہ

نیول چیف کا گوادر، تربت اورماڑہ میں آپریشنل تیاریوں کا معائنہ

کراچی(آئی این پی ) سربراہ پاک بحریہ ایڈمرل ظفر محمود عباسی نے کہا ہے کہ پاک بحریہ سی پیک سمیت پاکستان کے سمندری مفادات کے تحفظ کے لیے پر عزم ہے،پاک بحریہ کے میزائلوں نے کامیابی سے اپنے اہداف کو نشانہ بنایا ۔ترجمان پاک بحریہ کے مطابق امیر البحر ایڈمرل ظفر محمود عباسی نے بحری مشقوں سی اسپارک کے دوران ساحلی تنصیبات کا دورہ کیا اور میزائل فائرنگ کا مشاہدہ کیا، نیول چیف نے گوادر، تربت اور ماڑہ میں آپریشنل تیاریوں کا معائنہ بھی کیا، مشقوں کے دوران پاک بحریہ کے میزائلوں نے کامیابی سے اپنے اہداف کو نشانہ بنایا۔اس موقع پر نیول چیف ایڈمرل ظفر محمود عباسی نے افسران اور جوانوں کی پیشہ ورانہ صلاحیتوں کو سراہا اور آپریشنل تیاریوں پر اطمینان کا اظہار کرتے ہوئے کہا کہ پاک بحریہ سی پیک سمیت پاکستان کے سمندری مفادات کے تحفظ کے لیے پر عزم ہے اور کسی بھی قسم کی جارحیت کا بھر پور جواب دینے کی صلاحیت رکھتی ہے۔

مزید : صفحہ آخر