سعودی عرب کی تیل میں سرمایہ کاری کوئی نئی بات نہیں ، اسحاق ڈار

سعودی عرب کی تیل میں سرمایہ کاری کوئی نئی بات نہیں ، اسحاق ڈار

اسلام آباد(آن لائن) سابق وفاقی وزیر خزانہ اسحاق ڈار نے کہا ہے کہ سعودی عرب کی تیل کے شعبے میں سرمایہ کاری کوئی نئی بات نہیں ہے ،معیشت کی تباہی سے متعلق تحریک انصاف کا بیان جھوٹ پر مبنی ہے میں کوئی سیاسی پناہ نہیں لے رہا اور مجھ پر نہ تو کوئی کرپشن کا الزام ہے اور نہ ہی کک بیکس لینے کا جمعہ کو نجی ٹی وی سے گفتگو کرتے ہوئے اسحاق ڈار نے کہا ہے کہ پیپلزپارٹی کے دور حکومت مےٖں 50 کروڑ ڈالر ڈیپازٹ رکھے گئے تھے سعودی عرب کا امداد د ینے پر شکر گزار ہیں 2015 میں بھی ہماری سعودی عرب سے بات چیت ہوئی تھی تحریک انصاف کے ایم این ایز نے ہی یمن سے متعلق مخالفت کی تھی سعودی عرب کی تیل کی شعبہ میں سرمایہ کاری کوئی نئی بات نہیں ہے معیشت کی تباہی سے متعلق تحریک انصاف جھوٹ بول رہی ہے پی ٹی آئی کے پاس کوئی ویژن یا پلان نہیں ہے یہ صرف اپنی نااہلی چھپان رہے ہیں مسلم لیگ ن نے معیشت اچھے حالات میں چھوڑی اسحاق ڈار نے کہا کہ ڈار نو میکس نے 2 مرتبہ پاکستان کو دیوالیہ ہونے سے بچایا ، مسلم لیگ ن نے پہلے تیاری کی اور پھر پلان دیا تحریک انصاف کو حکومت چلانا نہیں آتی ، اسپتال چلانے اور ملک چلانے میں فرق ہوتا ہے میرا بس چلے میں ڈالر کی قیمت کو110 روپے تک واپس لے آؤں کیا میں ڈالر کی قیمت کو 111 روپے سے 99 روپے پر نہیں لے کر آیا تھا میں نے 4 دنوں میں بجٹ تیار کر لیا تھا میں کوئی سیاسی پناہ نہیں لے رہا میرا دامن صاف ہے میرے پر کوئی کک بیکس لینے یا کرپشن کا الزام نہیں ہے۔

مزید : صفحہ آخر