حکومت ترقیاتی منصوبوں کو پایہ تکمیل تک پہنچانے کے بجائے نظر انداز کر رہی ہے : اویس لغاری
ڈیرہ غازیخان(نمائندہ خصوصی)رکن پنجاب اسمبلی و سابق چیئرمین فورٹ منرو اتھارٹی سردار اویس احمد خان لغاری نے کہا ہے کہ موجودہ حکومت منصوبوں کو پایہ تکمیل تک پہنچانے کی بجائے نظر انداز کر رہی ہے جب کہ سیاحتی مقام فورٹ منرو اور ٹرائبل ایریاکی تیز ترین ترقی کے لئے فورٹ منرو ڈویلپمنٹ اتھارٹی کا قیام عمل میں لایا گیا تھا لغاری ہاؤس چوٹی زیریں سے جاری ہونے والے ایک بیان میں سردار اویس احمد خان لغاری نے کہا کہ سابق حکومت کی ترجیحات میں شامل تھا کہ ترقی کی دوڑ میں پیچھے رہ(بقیہ نمبر13صفحہ12پر )
جانے والے علاقوں کو ترقی دی جائے اس لئے فورٹ منرو ڈویلپمنٹ اتھارٹی کے تحت 81کروڑ روپے کی لاگت کے ترقیاتی کام ہوئے جس میں سڑکوں کی تعمیر وغیرہ کے منصوبے بھی شامل ہیں جبکہ اتھارٹی کے منصوبوں کے لئے مزید گیارہ کروڑ روپے کے فنڈز دیئے جانے تھے جو کہ موجودہ حکومت نے جاری نہیں کیئے جس کی وجہ سے عوامی ، فلاحی متعدد منصوبے نا مکمل پڑے ہیں انہوں نے کہا کہ سردار فاروق احمد خان لغاری نے فورٹ منرو میں 1996 اور اس واٹر سپلائی سکیم کی دوبارہ فعالیت یقینی بنوایا جس کی وجہ سے لوگوں کو بلا تعطل پانی کی فراہمی جاری اور سے فورٹ منرو سے ٹینکر مافیا کا خاتمہ ہوا انہوں نے کہا کہ یہ بات بھی ریکارڈ پر ہے کہ فورٹ منرو میں بڑے سرداروں اورجاگیرداروں کے گھروں کو جانے والی پانی کی مین پائپ لائنیں کاٹ دی گئیں جبکہ ایک ہی پائپ سے اب سب کو پانی فراہم کیاجاتا ہے انہوں نے کہا کہ یہ بات غلط ہے کہ میری چیئرمین شپ کے دور میں فورٹ منرو میں کوئی کام نہیں ہوا یا کرپشن ہوئی جبکہ پہلی مرتبہ یہاں سالڈ ویسٹ منیجمینٹ کی طرز پر صفائی ستھرائی کے لئے ایک کمپنی بنائی گئی جو کہ ڈی ایچ اے اور بحریہ ٹاؤن کی طرح یہاں کوڑا کرکٹ اٹھا کر ، نیٹ اینڈ کلین منصوبے پر کام کرتی ہے انہوں نے کہا کہ ہماری حکومت نے شاہین فاؤنڈیشن جو کہ PAFکا ادارہ ہے کو یہاں لے کر آئی تھی جس کے تحت یہاں ایجوکیشنل سٹی پر کام ہو رہا ہے اور 8سال سے بند ٹی ایچ کیو ہسپتال کو فاؤنڈیشن چلا رہی ہے اسی طرح فورٹ منرو میں ا ایک کالونی کے منصوبے پر بھی کام جاری تھا جس کے تحت ایک سو ایکڑزمین خریدی گئی اور ہماری حکومت نے اس منصوبے کیلئے سواارب روپے کی رقم بطور عطیہ کرائی تھی تاہم موجودہ حکومت منصوبوں کو پایہ تکمیل کی بجائے انہیں نظر انداز کر رہی ہے۔
اویس لغاری
