حریم شاہ نے معافی مانگ لی ، پیغام میں کیا کہا؟ جانئے

حریم شاہ نے معافی مانگ لی ، پیغام میں کیا کہا؟ جانئے
حریم شاہ نے معافی مانگ لی ، پیغام میں کیا کہا؟ جانئے

  

اسلام آباد (ڈیلی پاکستان آن لائن ) ٹک ٹاک سٹار حریم شاہ نے دفتر خارجہ کے بورڈنگ روم میں ویڈیو بنا کر شوشل میڈیا پر شیئر کرنے کے عمل پر معافی مانگ لی ہے ۔

تفصیلات کے مطابق میری ایک ویڈیو وائرل ہوئی ہے اور اس وقت زیربحث ہے اسی حوالے سے میں بات کرنا چاہتی ہوں، میرا گزر دفتر خارجہ کے باہر سے ہوا تو مجھے پتا چلا کہ شاہ محمود قریشی آئے ہوئے ہیں جن کی میں بہت بڑی مداح ہوں ، وہ میرے والد کی جگہ ہیں اور قابل احترام ہیں ، ان سے ملنا میرے لیے فخر کی بات ہے ، میں نے دفتر کے ایک اعلی سرکاری اہلکار سے اجازت لی تھی اسی لیئے کسی نے مجھے وزارت کے اندر داخل ہونے اور ویڈیو بنانے سے منع نہیں کیا،، بدقسمتی سے میری ان سے ملاقات نہ ہو سکی ۔لیکن وہاں انتظار گاہ پر میں نے کچھ تصویریں اور ویڈیوز بنا کر شیئر کر دیں جس کو ہر ایک نے اپنے نئے نئے انداز میں بیان کرنا شروع کر دیا، بہر حال ایسا کچھ نہیں جو لوگ کہہ رہے ہیں کہ مجھے وہاں کون لے کر گیا، ایسی کوئی بات نہیں ہے۔اگر وزیراعظم کی کرسی پر بیٹھنے سے میرے پاکستانیوں کے دل کو ٹھیس پہنچی ہے تو میں معذرت خواں ہوں پر میرا مقصد صرف ٹک ٹاک کیلئے ویڈیو بنانا تھا۔

حریم شاہ نے سب سے گزارش کرتے ہوئے کہا کہ اپنے سے باتیں بنانا اور سوچنا بند کر دیں اور ایسی باتیں نہ کریں جس سے میری والدہ یا بہن کو کسی کام سے باہر جانا ہو تو وہاں انہیں تنقید کا نشانہ بنایا جائے اور پھر وہ وہاں کا رخ ہی نہ کریں، ایسی کوئی بات نہیں ہے جس پر ایشو بنایا جائے یا پھر اس کے چرچے کیے جائیں۔

یاد رہے کہ چند روز قبل حریم شاہ کی دفتر خارجہ میں بنائی گئی ایک ٹک ٹاک ویڈیو بالی وڈ گانے کے بیک گراو¿نڈ کے ساتھ وائرل ہوئی تھی جس پر سوالات اٹھے کہ انہیں دفتر خارجہ جیسے اہم سرکاری دفتر میں داخل ہونے اور ویڈیو بنانے کی اجازت کس نے دی؟

مزید :

قومی -