یورپی یونین ممالک سے ترسیلات زر میں اضافہ
اسلام آباد(اے پی پی):یورپی یونین کے ممالک میں کام کرنے والے پاکستانیوں کی ترسیلات زرمیں اگست کے دوران سالانہ بنیادوں پر4 فیصدکی نموریکارڈکی گئی ہے۔ یورپی یونین میں کام کرنے والے پاکستانیوں نے جاری مالی سال کے دوسرے ماہ کے دوران 290 ملین ڈالرکازرمبادلہ ملک ارسال کیا جوگزشتہ سال اگست کے مقابلہ میں 4 فیصدزیادہ ہے، گزشتہ سال اسی مدت میں یورپی یونین میں کام کرنے والے پاکستانیوں نے 279ملین ڈالر کا زرمبادلہ ملک ارسال کیاتھا، جولائی کے مقابلہ میں اگست میں یورپی یونین میں کام کرنے والے پاکستانیوں کی ترسیلات زرمیں ماہانہ بنیادوں پردوفیصدکی ہوئی ہے۔، جولائی میں یورپی یونین کے ممالک میں کام کرنے والے پاکستانیوں نے 284ملین ڈالرکازرمبادلہ ملک ارسال کیا جواگست میں بڑھ کر290 ملین ڈالرہوگیا۔
