ہائیکورٹ ، پی آئی اے کی نجکاری کےخلاف درخواست عدم پیروی پر خارج
لاہور (آن لائن، این این آئی) لاہور ہائیکورٹ نے پی آئی کی نجکاری کے خلاف درخواست عدم پیروی کی بنیاد پر خارج کر دی۔ جسٹس راحیل کامران نے نبیل جاوید کی درخواست پر سماعت کی جس میں پی آئی کی نجکاری کے اقدام کو چیلنج کیا گیا تھا۔ دائر درخواست میں نگراں وفاقی حکومت سمیت دیگر کو فریق بنایا گیا اور موقف اپنایا گیا کہ نگراں وفاقی حکومت نے پی آئی اے کی نجکاری کرنے کا منصوبہ بنایا ہے جبکہ آئین کے مطابق نگراں حکومت صرف روزمرہ کے کام کر سکتی ہے لہٰذا عدالت نگراں حکومت کی جانب سے پی آئی اے کی نجکاری کے اعلان کو کالعدم قرار دے۔ دوران سماعت درخواست گزار کے وکیل کے پیش نہیں ہوئے جس پر عدالت نے درخواست عدم پیروی کی بنیاد پر خارج کر دی
درخواست خارج
