44 ہزار افغان باشندے پنجاب میں غیر قانونی طور پر موجود، ڈیڈ لائن ختم ہونے کے قریب
لاہور (ڈیلی پاکستان آن لائن) صوبہ پنجاب میں 44 ہزار افغان باشندے غیر قانونی طور پر موجود ہیں جن میں سے 11 ہزار کا ویزہ ختم ہو چکا ہے۔
نجی ٹی وی سماء نیوز کےمطابق 33 ہزار افغانیوں کے پاس کوئی قانونی دستاویز موجود نہیں ہے جبکہ 11 ہزار کے ویزے کی مدت ختم ہو گئی اس کے باوجود وہ اپنے ملک واپس نہ جانے کی ہٹ دھرمی پر قائم ہیں۔
حکومت پاکستان کی اعلان کردہ ڈیڈ لائن 4 روز بعد، 31 اکتوبر کو ختم ہو رہی ہے، دوسری صورت میں افغان باشندوں کے خلاف سخت قانونی کارروائی کی جائے گی۔
یہ امر قابل ذکر ہے کہ افغان باشندے پاکستان میں دہشت گردی میں بھی ملوث رہے ہیں جبکہ منشیات کی سمگلنگ سمیت دیگر جرائم سے بھی منسلک رہے ہیں۔
