آئی ایس آئی ایس کے خلاف جنگ کافی سال تک چل سکتی ہے: پینٹاگون

آئی ایس آئی ایس کے خلاف جنگ کافی سال تک چل سکتی ہے: پینٹاگون
آئی ایس آئی ایس کے خلاف جنگ کافی سال تک چل سکتی ہے: پینٹاگون

  



واشنگٹن (نیوز ڈیسک) امریکہ نے عسکریت پسند گروپ دولت اسلامیہ (آئی ایس آئی ایس)) پر ہوائی حملوں کا آغاز تو بڑی دھوم دھام سے کیا تھا لیکن اب اس کے دفاعی ادارے پینٹا گون کا کہنا ہے کہ وہ یہ نہیں کہہ سکتے کہ آئی ایس آئی ایس کے خلاف فتح ہورہی ہے اور یہ جنگ کئی سالوں تک چل سکتی ہے۔ آئی ایس نے شام اور عراق کے وسیع علاقوں پر قبضہ کررکھا ہے اور اس کے خلاف فضائی کارروائی میں مغربی اور کچھ عرب ممالک بھی امریکہ کی مدد کررہے ہیں۔ پینٹا گون کے نمائندہ ریئر ایڈمرل جان کربی کا کہنا ہے کہ اگرچہ آئی ایس کے ٹھکانوں کو نشانہ بنایا گیا ہے اور ان کا بھاری نقصان ہوا ہے لیکن اب بھی انہیں فنڈ آسانی سے دستیاب ہورہے ہیں اور لڑنے کیلئے جنگجو بھی میسر ہیں اور وہ اب بھی بآسانی نقل و حرکت کرنے کی صلاحیت رکھتے ہیں۔ امریکہ کی طرف سے آئی ایس کے خلاف کارروائی کا آغاز پچھلے ماہ کیا گیا اور رواں ہفتے کے آغاز میں عرب اتحادیوں کے ساتھ ملکر فضائی کارروائی کا بھی آغاز کردیا گیا۔ تازہ ترین کارروائیوں میں شمالی شام میں واقع آئل ریفائنریوں کو نشانہ بنایا گیا ہے جس کے متعلق خیال کیا جاتا ہے کہ آئی ایس انہیں اپنی فنڈنگ کا اہم ذریعہ بنائے ہوئے ہے۔

مزید : بین الاقوامی


loading...