پاکستان نے دفاعی میدان میں ایک اور سنگ میل عبور کرلیا، پاک فضائیہ نے جے ایف 17 طیاروں کی تیاری کے بعد ایک اور شاندار کام کردکھا دیا

پاکستان نے دفاعی میدان میں ایک اور سنگ میل عبور کرلیا، پاک فضائیہ نے جے ایف 17 ...
پاکستان نے دفاعی میدان میں ایک اور سنگ میل عبور کرلیا، پاک فضائیہ نے جے ایف 17 طیاروں کی تیاری کے بعد ایک اور شاندار کام کردکھا دیا

  

اٹک (ویب ڈیسک) ایئر کرافٹ ریبلڈ فیکٹری کامرہ میں مقامی سطح پر اوورہال کیے گئے جے ایف 17 طیاروں کی تقریب رونمائی ہوئی،ترجمان پاک فضائیہ کا کہنا ہے کہ اوورہال کیے گئے چاروں جے ایف 17 طیاروں میں سے 2 چین جب کہ 2 طیارے مقامی طور پر ائیر کرافٹ ریبلڈ فیکٹری کامرہ میں تیار ہوئے۔

پاکستان ایرو ناٹیکل کمپلیکس نے جے ایف 17 طیاروں کی اوور ہالنگ کی صلاحیت حاصل کرکے ایک اور اہم سنگِ میل عبور کرلیا۔ اس حوالے سے ایئرکرافٹ ریبلڈ فیکٹری کامرہ میں شاندار تقریب منعقد ہوئی، پاک فضائیہ کے سربراہ ائیر چیف مارشل مجاہد انور خان اس تقریب کے مہمان خصوصی تھے۔اس موقع پر تقریب سے خطاب کرتے ہوئے پاک فضائیہ کے سربراہ ائیر چیف مارشل مجاہد انور خان نے کہا کہ ہم ٹیکنالوجی کے دور میں رہ رہے ہیں جہاں جدید چیلنجز سے نمٹنے کے لیے خود انحصاری ایک کلیدی حیثیت رکھتی ہے،انتھک جدوجہد کی بدولت پاک فضائیہ کو اپنے اہداف کے حصول میں قابلِ ذکر کامیابی حاصل ہوئی ہے۔

سربراہ پاک فضائیہ نے خود انحصاری کے حصول میں چین کی ایوی ایشن انڈسٹری کے تعاون کو سراہتے ہوئے کہا کہ JF-17 طیاروں کی اوور ہالنگ بلاشبہ ایک بڑی کامیابی ہے، جو ائیر کرافٹ ریبلڈ فیکٹری کے انجنئیرز اور اور تکنیکی عملے کی انتھک محنت اور عزم و حوصلے کی بدولت ممکن ہوئی۔

مزید :

علاقائی -پنجاب -اٹک -