کراچی کی تعمیر و ترقی جاری، وفا ق اپنی کوتاہیوں کا بوجھ سندھ حکومت پر نہ ڈالے:مراد علی شاہ 

  کراچی کی تعمیر و ترقی جاری، وفا ق اپنی کوتاہیوں کا بوجھ سندھ حکومت پر نہ ...

  

 کراچی(مانیٹرنگ ڈیسک) وزیراعلی سندھ مراد علی شاہ نے کہا ہے کہ وفاق اپنی کوتاہیوں کا بوجھ سندھ حکومت پر نہ ڈالے، کراچی پیکج میں بہت سے منصوبوں پر پہلے ہی کام جاری ہے، صوبائی حکومت کراچی کی تعمیر و ترقی کیلئے کام کر رہی ہے۔وزیراعلیٰ مراد علی شاہ نے منوڑہ بیچ روڈ کی افتتاحی تقریب سے خطاب کرتے ہوئے کہا کہ سمندر کو آگے آنے سے روکنے کیلئے دیوار بنائی گئی ہے، یہاں پر جاگنگ ٹریک بھی تعمیر کیا جا رہا ہے، روڈ خراب ہونے کی وجہ سے منہوڑہ پر سیاحوں نے آنا کم کر دیا تھا۔روڈ کی تعمیر اور دیگر سہولیات دینے سے یہ مصروف تفریح گاہ بن جائے گا، یہ ایک بہترین سکیم منوڑہ میں سیاحت کو فروغ دے گی۔ انہوں نے کہا کیماڑی ضلع ایک ماڈل ضلع بنے گا، یہاں کا روڈ انفرا اسٹرکچر، پانی اور نکاسی کے نظام کو بہتر بنائیں گے۔قبل ازیں وزیر اعلیٰ سندھ نے نئے تعمیر کئے گئے منوڑہ بیچ روڈ کا افتتاح کیا۔ تقریب میں پاک نیوی کے سینئر حکام اور محکمہ بلدیات کے افسران شریک ہوئے۔ 

 مراد علی شاہ

مزید :

صفحہ آخر -