پانی کی بچت، جنوبی پنجاب کو رول ماڈل بنانے کا فیصلہ 

  پانی کی بچت، جنوبی پنجاب کو رول ماڈل بنانے کا فیصلہ 

  

 ملتان (سپیشل رپورٹر) جنوبی پنجاب کو پانی کی بچت کی سکیموں کے لحاظ سے رول ماڈل بنانے کا فیصلہ کر لیا گیا۔سیکرٹری زراعت جنوبی پنجاب ثاقب علی عطیل نے کہا کہ جنوبی پنجاب میں آبپاش پانی کے موثر، باکفایت اور(بقیہ نمبر23صفحہ 6پر)

 منصفانہ استعمال کیلئے ہائی ایفیشنسی اریگیشن سسٹم کو فروغ دیا جارہا ہے۔اس کے تحت جنوبی پنجاب کو رول ماڈل بنایاجائے گا۔انہوں نے ہدایت کی کہ سولر نظام آبپاشی صرف ہائی ایفیشنسی اریگیشن سسٹم کو چلانے کیلئے استعمال کیا جائے نہ کہ ٹیوب ویل چلائے جائیں۔ انہوں نے ہدایت دی کہ پکے کھالوں کی تعمیر، زیادہ استعداد کار کے حامل نظام آبپاشی اور لیزر لینڈ لیولرز کی تقسیم کے مقرر کردہ اہداف بروقت مکمل کیے جائیں اور حکومت پنجاب کے تحت سبسڈی پر نصب کیے جانے والے ڈرپ و سپرنکلر کے پرانے اور بند نظام آبپاشی کو بحال اور آپریشنل کیا جائے۔انہوں نے  جنوبی پنجاب میں زیادہ استعداد کار کے حامل نظام آبپاشی کی  تمام بند سائٹس  کی فہرستیں تیار کرنے  اور بند ہونے کی وجوہات اور دوبارہ بحالی کیلئے ٹیکنیکل سفارشات پر مبنی رپورٹ مرتب کرکے پیش کرنے کی ہدایت کی۔

مزید :

ملتان صفحہ آخر -