یار کو میں نے مجھے یار نے سونے نہ دیا| خواجہ حیدر علی آتش |
یار کو میں نے مجھے یار نے سونے نہ دیا
رات بھر طالعِ بیدار نے سونے نہ دیا
خاک پر سنگِ درِ یار نے سونے نہ دیا
دھوپ میں سایۂ دیوار نے سونے نہ دیا
ایک شب بلبلِ بے تاب کے جاگے نہ نصیب
پہلوئے گل میں کبھی خار نے سونے نہ دیا
جب لگی آنکھ ، کراہا یہ کہ بد خواب کیا
نیند بھر کر دلِ بیمار نے سونے نہ دیا
دردِ سرِ شام سے اس زلف کے سودے میں رہا
صبح تک مجھ کو شبِ تار نے سونے نہ دیا
رات بھر کیں دلِ بے تاب نے باتیں مجھ سے
رنج و محنت کے گرفتار نے سونے نہ دیا
سیلِ گریہ سے مرے نیند اڑی مردم کی
فکرِ بام و در و دیوار نے سونے نہ دیا
باغِ عالم میں رہیں خواب کی مشتاق آنکھیں
گرمیِ آتشِ گلزار نے سونے نہ دیا
سچ ہے غم خواریِ بیمار عذابِ جاں ہے
تا دمِ مرگ دلِ زار نے سونے نہ دیا
تکیہ تک پہلو میں اس گُل نے نہ رکھا آتش
غیر کو ساتھ کبھی یار نے سونے نہ دیا
شاعر: خواجہ حیدر علی آتش
(کلیاتِ آتش:سال اشاعت،1963)
Raat Ko Main Nay Mujhay Yaar Nay Sonay Na Diya
Raat Bhar Taal-e-Bedaar Nay Sonay Na Diya
Khaak Par Sang-e-Dar-e-Yaar Nay Sonay Na Diya
Dhoop Men Saaya-e-Dewaar Nay Sonay Na Diya
Shaam Say Wasl Ki Shab Aakh Na Jhapki Ta Subh
Shadi-e-Daolat -e-Dedaar Nay Sonay Na Diya
Aik Shab Bulbul-e-Betaab K Jaagay Na Naseeb
Pehlu-e-Gull Men Kabhi Khaar Nay Sonay Na Diya
Jab Lagi Aankh Karaaha Yeh Keh Bad Khaab Kiya
Neend Bhar Kar Dil-e-Bemaar Nay Sonay Na Diya
Dard -e-Sar Shaam Say Uss Zulf K Saoday Men Raha
Subh Tak Mujh Ko Shab-e-Taar Nay Sonay Na Diya
Raat Bhar Keen Dil-e-Betaab Nay Baaten Mujh Say
Ranj-o-Mehnat K Gariftaar Nay Sonay Na Diya
Sail -e-Girya Say Miray Neend Urri Mardam Ki
Fikr-e-Baam-o-Dar-o-Dewaar Nay Sonay Na Diya
Baagh-e-Aalam Men Rahen Khaab Ki Mushtaaq Aankhen
Garmi-e-Aatish-e-Gulzar Nay Sonay Na Diya
Sach Hay Gham Khaari-e-Bemaar Azab -e-Jaan Hay
Ta Dam-e-Marg Dil-e- Zaar Nay Sonay Na Diya
Takiya Tak Pehlu Men Uss Gull Nay Na Rakha AATISH
Ghair Ko Saath Kabhi Yaar Nay Sonay Na Diya
Poet: Khawaja Haidar Ali Aatish