شہباز شریف  اور انکی فیملی کو برطانوی  عدالت نے بڑی خوشخبری سنادی

شہباز شریف  اور انکی فیملی کو برطانوی  عدالت نے بڑی خوشخبری سنادی
شہباز شریف  اور انکی فیملی کو برطانوی  عدالت نے بڑی خوشخبری سنادی

  

لندن(ڈیلی پاکستان آن لائن)برطانوی عدالت نے اپوزیشن لیڈر قومی اسمبلی  شہباز شریف اور ان کے خاندان کو منی لانڈرنگ اورمجرمانہ سرگرمیوں کے الزامات سے بری کردیا ہے۔ 

جیو نیوز کے مطابق برطانوی نیشنل کرائم ایجنسی نے شہباز شریف اور ان کے بیٹے سلیمان شریف کے منجمد بینک اکاؤنٹس کی تحقیقاتی رپورٹ ویسٹ منسٹر کورٹ میں جمع کرائی۔رپورٹ کے مطابق شہباز شریف اور ان کے خاندان کے بینک اکاؤنٹس میں منی لانڈرنگ، کرپشن اور مجرمانہ سرگرمی کا کوئی ثبوت سامنے نہیں آیا۔کرائم ایجنسی نے21 ماہ کی تحقیقات میں 20 سال کے مالی معاملات کا جائزہ لیا گیا۔

واضح رہے کہ برطانوی ایجنسی نے حکومت پاکستان، نیب اورایسٹ ریکوری یونٹ کی درخواست پر تحقیقات شروع کی تھیں ۔ رپورٹ کے بعد عدالت نے  منجمد اکاؤنٹس بھی بحال کرنے کا حکم دے دیا۔ شہبازشریف،سلیمان شہباز کےبینک اکاؤنٹس دسمبر2019 میں عدالتی حکم پرمنجمدکیےگئےتھے۔

مزید :

Breaking News -اہم خبریں -قومی -