عمران خان اور وزیر اعلیٰ پنجاب کی ملاقات کی اندرونی کہانی سامنے آگئی

عمران خان اور وزیر اعلیٰ پنجاب کی ملاقات کی اندرونی کہانی سامنے آگئی
عمران خان اور وزیر اعلیٰ پنجاب کی ملاقات کی اندرونی کہانی سامنے آگئی

  

لاہور (ویب ڈیسک) پاکستان تحریک انصاف کے چیئرمین اور سابق وزیر اعظم عمران خان کی وزیراعلیٰ پنجاب سے ملاقات کی اندرونی کہانی سامنے آگئی ، عمران خان نے تعلیمی اداروں میں منشیات کی روک تھام کیلئے قانون سازی کرنے پر وزیر اعلیٰ پنجاب چوہدری پرویز الٰہی کو شاباش دیتے ہوئےکہا کہ 'ویل ڈن،چوہدری صاحب !'گزشتہ روز ایوان وزیر اعلیٰ  میں عمران خان اور وزیراعلیٰ پنجاب کی یہ ملاقات ہوئی تھی جو دوگھنٹے تک جاری رہی۔

جیو نیوز  نے ذرائع کے حوالے سے بتایا کہ  ملاقات میں پاورشیئرنگ امور کو حتمی شکل دی گئی اور ہرسیاسی چیلنج کا مل کر مقابلہ کرنے پر اتفاق کیا گیا۔ذرائع کا کہنا ہے کہ عمران خان نے حکومتی امور احسن طریقے سے چلانے پر چوہدری پرویز الٰہی کی تعریف کی۔تعلیمی اداروں کو منشیات سے پاک کرنے کیلئے نئی قانون سازی پر سابق وزیر اعظم بولے ویلڈن، چوہدری صاحب ! یہ اقدام نئی نسل کو تباہی سے بچانے میں ہمیشہ یاد رکھا جائے گا۔

رپورٹ کے مطابق چوہدری پرویز الٰہی نے بتایا کہ منشیات کے خلاف منصوبے میں عالمی بینک نے بھی فنڈ دینے کی یقین دہانی کرائی ہے۔اس کے علاوہ  عمران خان نے کہا کہ  آڈیولیکس سے ن لیگ کی نام نہادقیادت کا اصل چہرہ ایک بار پھر قوم کے سامنے آگیا۔روانگی سے قبل وزیراعلیٰ ،سینیئر وزیر میاں اسلم اقبال اور عمران خان کی الگ ملاقات بھی ہوئی جس میں سیاسی چیلنجز کا مل کر مقابلہ کرنے پر اتفاق کیا گیا۔

مزید :

علاقائی -پنجاب -لاہور -