امریکہ کی جانب سے پاکستان کو چین سے قرضوں میں ریلیف لینے کا مشورہ دینے پر چین خود ہی میدان میں آگیا

امریکہ کی جانب سے پاکستان کو چین سے قرضوں میں ریلیف لینے کا مشورہ دینے پر چین ...
 امریکہ کی جانب سے پاکستان کو چین سے قرضوں میں ریلیف لینے کا مشورہ دینے پر چین خود ہی میدان میں آگیا

  

بیجنگ(ڈیلی پاکستان آن لائن)ترجمان چینی وزارت خارجہ وانگ وین بن کا کہنا ہے کہ پاکستانی عوام بھی پاک چین سودمند تعاون کو اچھی طرح جانتے ہیں، پاک چین تعاون پر بلاوجہ تنقید کے بجائے امریکہ پاکستانی عوام کی حقیقی معنوں میں مدد کرے۔واضح رہے کہ امریکہ نے پاکستان کو چین سے قرضوں میں ریلیف لینے کا مشورہ دیا تھا جس پر چین کی وزارت خارجہ کے ترجمان نے اپنا ردعمل دیا۔

ان کا کہنا تھا کہ چین نے مشکل وقت میں پاکستان کی حقیقی دوست اور بھائی کی طرح مدد کی ہے۔انہوں نے کہا کہ سیلابی صورتحال کے بعد سے ہی چین پاکستان کی مدد کر رہا ہے۔ان کا کہنا تھا کہ چین اب تک 40 کروڑ چینی یوآن کی انسانی امداد پاکستان بھیج چکا ہے۔

ترجمان چینی وزارت خارجہ نے کہا کہ چین کی سول سوسائٹی بھی پاکستان میں امدادی سرگرمیوں میں شامل ہے۔انہوں نے کہا کہ سیلابی متاثرین کی بحالی کے لیے پاکستان کی امداد جاری رکھیں گے، چین اور پاکستان کے درمیان سودمند معاشی اور مالیاتی تعاون رہا ہے۔

مزید :

بین الاقوامی -