حکومتوں کی ناکام حکمت عملی پر جماعت اسلامی آج وائٹ پیپر جاری کرے گی
لاہور (ڈیلی پاکستان آن لائن)حکومتوں کی ناکام حکمت عملی پر جماعت اسلامی کی جانب سے آج وائٹ پیپر جاری کیا جائے گا جس میں گزشتہ حکومتوں کی ناکام حکمت عملی کی تفصیلات شامل ہیں۔
ترجمان جماعت اسلامی قیصر شریف کا کہنا ہے وائٹ پیپر میں تینوں حکمران پارٹیوں کی ظالمانہ پالیسیوں کی نشاندہی کی گئی ہے۔انہوں نے کہا کہ پی ڈی ایم اور نگران حکومت کی بدترین کارکردگی بھی عوام کے سامنے پیش کریں گے۔
ان کا کہنا تھا کہ ملک اس وقت انتہائی عدم استحکام کا شکار ہے، موجودہ صورتحال زیادہ دیر نہیں چل سکتی حکومت کو قیمتیں کم کرنا ہوں گی۔
قیصر شریف نے کہا کہ جماعت اسلامی کی ملک گیر تحریک نتیجہ خیز ثابت ہوگی۔
سراج الحق آج منصورہ لاہور میں پریس کانفرنس کے دوران ملکی مسائل کا حل اور متبادل پالیسی بھی پیش کریں گے۔
روزنامہ پاکستان کا واٹس ایپ چینل جوائن کرنے کیلئے یہاں کلک کریں۔
