اسحاق ڈار وزیر بننے کیلئے نوازشریف کو جا کر کیا کہا کرتے تھے ؟ مفتاح اسماعیل کھل کر میدان میں آ گئے

اسلام آباد (ویب ڈیسک) مسلم لیگ (ن) کے سینیئر رہنما شاہد خاقان عباسی کے بعد مفتاح اسماعیل نے بھی نئی پارٹی کا اشارہ دے دیا۔

نجی ٹی وی کو ایک انٹرویو میں مفتاح اسماعیل کا کہنا تھاکہ اِس وقت ملک میں نئی جماعت کی گنجائش موجود ہے کیونکہ پہلے سے موجود سیاسی جماعتیں ڈیلیور نہیں کرپائیں۔انہوں نے کہا کہ پہلے میں نے اور پھر شہباز شریف نے ملک کو ڈیفالٹ سے بچایا۔ان کا کہنا تھاکہ اسحاق ڈار نے میرے خلاف ٹی وی پروگرامز کروائے، بیانات جاری کروائے کیونکہ انہیں وزیر بننے کا جنون تھا۔سابق وزیر خزانہ کا کہنا تھاکہ اسحاق ڈار میرے کالمز اور ٹی وی پرو گرامز میں کی گئی گفتگو پر نواز شریف کو شکایتیں لگاتے تھے۔