عراق میں شادی کی تقریب میں آتشزدگی ،دولہا دلہن سمیت 113 افراد ہلاک
بغداد (ویب ڈیسک) عراق کے صوبے نینوا میں شادی کی ایک تقریب کے دوران شادی ہال میں آگ لگنے سے دلہا دلہن سمیت 113 افراد ہلاک ہوگئے۔
غیرملکی میڈیا کے مطابق ہمدانیہ شہر کے ایک شادی ہال میں تقریب جاری تھی کہ اچانک آگ بھڑک اٹھی۔ آتشزدگی کے وقت ایک ہزار سے زائد افراد موجود تھے۔
مقتل وإصابة العشرات بحريق في قاعة للأعراس بمحافظة نينوى بـ #العراق والصحة العراقية ترسل تعزيزات من بغداد والمحافظات الأخرى لإغاثة المصابين بالحريق#العربية pic.twitter.com/r09TWVfAZ6
— العربية (@AlArabiya) September 26, 2023
عراق کی وزارت شہری دفاع کا کہنا ہے کہ ابتدائی تحقیقات کے مطابق آگ آتش بازی کے سامان میں لگی۔ شادی ہال کو قوانین کی خلاف ورزی کرتے ہوئے انتہائی مہلک آتش گیرمواد سے سجایا گیا تھا۔ واقعہ میں ساڑھے چار سو زائد افراد زخمی ہوئے۔ اب تک دلہا دلہن سمیت 113 افراد کے جاں بحق ہونے کی تصدیق ہوئی ہے۔
واقعے کی تحقیقات جاری ہیں ہلاکتوں میں اضافے کا خدشہ ہے۔ شادی ہال کے قریبی علاقے کو عوام کے لیے بند کردیا گیا ہے۔
