ڈیرہ میں پولیس کی کارروائی کے دوران 3 اشتہاری گرفتار
ڈیرہ اسماعیل خان (بیورورپورٹ)کلاچی ،کڑی خیسور اور کینٹ پولیس نے قتل ،اقدام قتل اور جعلی چیک کے مقدمات میں مطلوب تین اشتہاری ملزمان کو گرفتار کرلیا ۔ تفصیلات کے مطابق کلاچی پولیس نے 23مارچ 2008کے قتل و اقدام قتل کیس کے اشتہاری ملزم محمد خان عرف محمدی ولد زرخان سکنہ کڑی ملنگ کو گرفتار کرلیا ۔ کڑی خیسور پولیس نے 9اپریل 2016کے قتل واقدام قتل کیس کے اشتہاری ملزم احمد نور ولد غلام رسول سکنہ کڑی خیسور کو گرفتار کرلیا ۔ جبکہ کینٹ پولیس نے 16جنوری 2006اور 28جنوری 2006کے دوجعلی چیکوں کے مقدموں میں مطلوب اشتہاری ملزم اللہ نواز عرف نازی کو گرفتار کرلیا ۔