اشرف غنی کی درخواست ، روس نے طالبان کے ساتھ امن مذاکرات ملتوی کردیئے

اشرف غنی کی درخواست ، روس نے طالبان کے ساتھ امن مذاکرات ملتوی کردیئے
اشرف غنی کی درخواست ، روس نے طالبان کے ساتھ امن مذاکرات ملتوی کردیئے

  IOS Dailypakistan app Android Dailypakistan app

ماسکو (ڈیلی پاکستان آن لائن)افغان صدر اشرف غنی کی درخواست پر روس نے طالبان کے ساتھ کثیر الملکی امن مذاکرات ملتوی کرتے ہوئے اس عمل کی تصدیق کردی ہے ۔

جرمن نیوز ایجنسی کے مطابق روسی حکام کا کہنا ہے کہ ایسا افغان صدر اشرف غنی کی درخواست پر کیا گیا ہے۔ روس نے ان مذاکرات کے لیے بارہ ممالک کو مدعو کر رکھا تھا۔ ابھی ایک ہفتہ قبل ہی افغان طالبان نے چار ستمبر کو ہونے والے ان مذاکرات میں شرکت کرنے کی حامی بھری تھی۔ ان مذاکرات میں امریکہ اور افغان حکومت کو بھی شامل ہونے کی دعوت دی گئی تھی لیکن ان دونوں ملکوں نے اسے مسترد کر دیا تھا۔ روسی حکام کے مطابق مذاکرات کی نئی تاریخ کا اعلان بعد میں کیا جائے گا اور اس میں افغان حکومت اور طالبان کو بھی شرکت کی دعوت دی جائیگی ۔