مقبوضہ کشمیر: ایک اور کشمیری بھارتی بربریت جء بھینٹ چڑھ گیا

مقبوضہ کشمیر: ایک اور کشمیری بھارتی بربریت جء بھینٹ چڑھ گیا

  IOS Dailypakistan app Android Dailypakistan app

 سری نگر(آئی این پی)مقبوضہ کشمیر میں بھارتی جارحیت تھمنے کا نام نہیں لے رہی، مقبوضہ کشمیر کے ضلع ککر ناگ میں ایک اور کشمیری نوجوان بھارتی فوج کی بربریت کی بھینٹ چڑھ گیا، ضلع کلگام میں غاصب فوج نے چادر اور چار دیواری کے تقدس کو پامال کرتے ہوئے مقامی حریت رہنما آزاد ملک کے گھر پر چھاپا مارا ،اہل خانہ کو ہراساں اور توڑ پھوڑ کی۔ کشمیر میڈیا سیل کے مطابق مقبوضہ کشمیر کے شمالی علاقے میں بھارتی فوج کی فائرنگ سے ایک اور کشمیری نوجوان شہید ہو گیا ہے۔ مقبوضہ کشمیر کے ضلع ککرناگ کے گاوں گڈول میں سرچ آپریشن کے دوران بھارتی فوج کی فائرنگ سے ایک کشمیری نوجوان شہید ہو گیا ہے جب کہ دو کشمیری نوجوانوں کو حراست میں لے لیا گیا ہے۔ سرچ آپریشن تاحال جاری ہے۔دوسری جانب مقبوضہ کشمیر کے ضلع کلگام میں چادر اور چار دیواری کو پامال کرتے ہوئے معروف مقامی حریت رہنما آزاد ملک کے گھر پر چھاپا مارا گیا۔ بھارتی فوج نے حریت رہنما کے اہل خانہ کو ہراساں کیا اور گھر میں توڑ پھوڑ کی۔علاوہ ازیں ضلع کپواڑہ میں بھی گزشتہ رات گھر گھر تلاشی کے دوران چار نوجوانوں کو گرفتار کیا گیا۔ضلع کپواڑہ میں گرفتار نوجوانوں میں عمر بشیر شیخ، دانش خضر شیخ، وسیم احمد اور طاہر حبیب بٹ شامل ہیں جنہیں نہ تو کسی عدالت میں پیش کیا گیا اور نہ ہی والدین سے ملنے دیا جا رہا ہے۔ گرفتار نوجوانوں کے اہل خانہ نے نوجوانوں کی ماورائے عدالت قتل کے خدشے کا اظہار کیا ہے۔
مقبوضہ کشمیر

مزید :

صفحہ آخر -