فواد چوہدری نے وزیراعظم کے ہیلی کاپٹر کا خرچہ 55روپے بتا یا تو پشاور میں ہیلی کاپٹر کے کنڈکٹر نے اتنے کم کرائے میں سورایاں اٹھانا شروع کردیں کہ ویڈ یو نے سوشل میڈ یا پر دھوم مچا دی

فواد چوہدری نے وزیراعظم کے ہیلی کاپٹر کا خرچہ 55روپے بتا یا تو پشاور میں ہیلی ...
فواد چوہدری نے وزیراعظم کے ہیلی کاپٹر کا خرچہ 55روپے بتا یا تو پشاور میں ہیلی کاپٹر کے کنڈکٹر نے اتنے کم کرائے میں سورایاں اٹھانا شروع کردیں کہ ویڈ یو نے سوشل میڈ یا پر دھوم مچا دی

  IOS Dailypakistan app Android Dailypakistan app

لاہور(ڈیلی پاکستان آن لائن) وزیر اطلاعات فواد چوہدری نے ہیلی کاپٹر کے حوالے سے بیان کیا دیا کہ سوشل میڈیا صارفین نے ان کی درگت بنانے میں مصروف ہو گئے
تفصیلات کے مطابق معروف صحافی احمد نورانی نے سماجی رابطوں کی ویب سائیٹ ٹویٹر پروڈیو شیئر کرتے ہوئے کہا کہ نیا پاکستان کی پچپن روپے فی کلومیٹر ہیلی کاپٹر سروس کا مذاق اڑانے والوں کی اطلاع کیلئے عرض ہے کہ پی ٹی آئی اس سے پہلے کے پی کے میں پندرہ روپے فی پھیرا فی سواری کی سروس کامیابی سے چلا چکی ہے، ن لیگ والے خود کچھ کر نہیں سکے اور دوسروں کا مذاق اڑاتے ہیں۔

احمد نورانی کی جانب سے پوسٹ کی گئی وڈیو میں میں ایک شخص ہیلی کاپٹر پر کھڑے ہو کر کنڈیکٹر بن کرسواریوں کی تلاش میں مصروف ہے،وڈیو میں موجود شخص ہیلی کاپٹر کے دروازے کو کھٹکٹاتے ہوئے مختلف علاقوں کے نام لیتے ہوئے کہتا ہے کہ آجائے باجی،یہ بزرگوں کو راستہ دیا جائے،اور ڈرائیور کو کہتا ہے کہ زرا صبر کریں ،شہری نے مرغیوں والے چوک کا کرایہ پوچھا تو کنڈیکٹر نے وزیر اطلاعات کے بتائے ہوئے 55 روپے سے بھی کم پیسے بتا دیے کنڈیکٹر نے 15 روپے بتائے،جس پر مسافر ہیلی کاپٹر میں سوار ہو جاتا ہے ،ایک اور شہری نے اس سے پوچھا بڈا بیر تک جائیں گے تو کنڈیکٹر نے کہا نہیں بڈا بیر تک نہیں جائیں گے۔
جس کے بعد کنڈیکٹر نے کہا کہ کاکال بھی جائیں گے ،ڈرائیور کے جلدی کرنے پر کنڈیکٹر ایک دفرہ پھر کہتا استاد زرا صبر کریں سواری آرہی ہے،جس کے بعد کنڈیکٹر بنا شہری آواز لگاتا ہے تبدیلی آنہیں رہی تبدیلی آگئی ہے۔

۔۔۔وڈیو دیکھیں۔۔۔

وڈیو لگانے کے بعد صارفین نے پی ٹی آئی کو تنقید کا نشانہ بنانہ شروع کر دیا ،ایک سوشل میڈیا صارف آصف نیازی نے عمران خان پر تنقید کرتے ہوئے کہا کہ ایک نمبر کا جاہل وزیر اعلی لگایا خان صاحب نے۔۔کل جہاز میں تصویریں بنوا رہا تھا ،آج اس کا پروٹوکول جان لے گیا۔۔۔

ایک اور صارف سید سلیم نے کہا کہ پی ٹی آئی ایک ہفتے میں 3 غلطیاں کو اگلے ایک سال میں ضرب دے کر اپنی بے عزتی کی کلکولیشن خود کر لیں کیونکہ ان حالات میں کھپتان کو دوسرا سال ملنا اتنا ہی مشکل ہے جتنا یوتھییوں کو گوگل پہ کھپتان کی عید نماز پڑھنے کی کوئی تصویر۔

ایک صارف پٹھان خان نے اس دفعہ گھر ہیلی کاپٹر پر جانے کا عزم کرتے ہوئے کہا کہ ہری پور سے اسلام آباد 65km کیری ڈبہ 3ہزار کار 5ہزار کرایہ فواد چوہدری کی بدولت ہیلی کاپٹر 55روپے 1کلومیٹر 3575 روپے،سوچ رہا ہوں اب کی بار گھر ہیلی کاپٹر سے جاونگا اسے کہتے ہیں تبدیلی۔

ایک اور صارف تنویر کولاچی نے حیرانگی کا اظہار کرتے ہوئے کہا کہ یہ پچاس روپے میں ایک کلومیٹر چلنے والا ہیلی کاپٹر کہاں ملتا ہے؟؟سانوں بھی اک منگا دے۔

اس سے قبل آج وفاقی وزیر اطلاعات و نشریات فواد چوہدری نے دعویٰ کیا ہے کہ وزیر اعظم اس لیے ہیلی کاپٹر استعمال کرتے ہیں کیونکہ اس کا ایک کلومیٹر کا خرچہ 50 سے 55 روپے پڑتا ہے۔واضح رہے کہ پی پی رہنما سید خورشید شاہ نے کچھ روز پہلے کہا تھا کہ عمران خان روزانہ وزیر اعظم ہاو¿س سے بنی گالہ کے 2 چکر لگاتے ہیں جس کیلئے سرکاری ہیلی کاپٹر استعمال کیا جاتا ہے جس کا خرچہ تین لاکھ روپے بنتا ہے۔فواد چوہدری کی جانب سے کہا گیا کہ خورشید شاہ ہمارے بزرگ ہیں لیکن وہ پائلٹ تھوڑے ہی ہیں جو انہیں خرچے کا پتا ہو، آپ کسی بھی پائلٹ سے پوچھیں تو وہ آپ کو بتائے گا کہ ہیلی کاپٹر کا ایک کلومیٹر کا خرچہ 50 سے 55 روپے پڑتا ہے۔

۔۔۔وڈیودیکھیں۔۔۔

مزید :

ڈیلی بائیٹس -