بجلی،گیس بلوں اور ادویات کی قیمتوں کھربوں کی کرپشن ہوئی،مریم اورنگزیب

  بجلی،گیس بلوں اور ادویات کی قیمتوں کھربوں کی کرپشن ہوئی،مریم اورنگزیب

  

اسلام آباد (آئی این پی) مسلم لیگ(ن) کی ترجمان مریم اورنگزیب نے وزیراعظم سے چند سوالات کرتے ہوئے کہا ہے کہ عمران صاحب ذرا یہ بھی بتا دیں کہ جو لوگ10 فیصد مہنگائی (بقیہ نمبر35صفحہ12پر)

سے تنگ ہیں اْنہیں کس وقت اور کہاں کھڑے ہونا ہے؟عمران صاحب یہ بھی بتا دیں کہ ملکی معیشت کی تباہی کے خلاف کس وقت کہاں کھڑے ہونا ہے؟،عمران صاحب ایک سال میں 7600 ارب کے تاریخی قرض کے خلاف کس وقت کہاں کھڑے ہونا ہے؟،عمران صاحب ملک کو آئی ایم میں گروی رکھنے کے خلاف کس وقت کہاں کھڑے ہونا ہے؟۔انہوں نے کہا عمران صاحب ایک سال میں ترقی کی شرح آدھی اور مہنگائی تین گْنا ہونے کے خلاف کس وقت کہاں کھڑے ہونا ہے؟عمران صاحب ایک سال میں گیس 200 فیصد اور بجلی 35 فیصد مہنگی ہونے کے خلاف کس وقت کہاں کھڑے ہونا ہے؟عمران صاحب ایک سال میں حکومتی اخراجات میں 1100 ارب کے اضافے کے خلاف کس وقت کہاں کھڑے ہونا ہے؟عمران صاحب ملک میں بد ترین میڈیا سنسرشپ اور اپوزیشن کی زبان بندی کے خلاف کس وقت کہاں کھڑے ہونا ہے؟۔انہوں نے کہا عمران صاحب پشاور میٹرو کے ایک کھرب کے کھڈوں اور ایک ارب درختوں میں کھربوں کی کرپشن کے خلاف کس وقت کہاں کھڑے ہونا ہے؟عمران صاحب گیس اور بجلی کے بلوں اور ادویات کی قیمتوں کھربوں کی کرپشن کے خلاف کس وقت کہاں کھڑے ہونا ہے؟ایک کروڑ نوکری اور پچاس لاکھ گھر میں سے ایک بھی نوکری اور گھر نہ ملنے کے خلاف کس وقت کہاں کھڑے ہونا ہے؟ عمران صاحب زراعت، کسان اور حاجیوں کے لیے سبسڈی چھیننے کے خلاف کس وقت کہاں کھڑے ہے؟۔

مریم اورنگزیب

مزید :

ملتان صفحہ آخر -