ایبٹ آباد: وویمن کرکٹ ٹیم کے تر بیتی کیمپ کے موقع پر کھلا ڑیو ں کو خصوصی لیکچر

ایبٹ آباد: وویمن کرکٹ ٹیم کے تر بیتی کیمپ کے موقع پر کھلا ڑیو ں کو خصوصی لیکچر

  

ایبٹ آباد(آن لائن)پاکستان کی جونئیر سلیکشن کمیٹی کے سربراہ سابق فاسٹ باؤلر سلیم جعفر نے خواتین کھلاڑیوں پر زور دیا ہے کہ وہ مثبت انداز فکر بھرپور محنت اور لگن کو اپنا شعار بناتے ہوئے آنے والے مقابلوں کے لئے اپنے آپ کو تیار کریں اور کامیابیوں کی بلندیوں کو چھونے کے لئے کوئی کسر رواء نہ رکھیں ان خیالات کا اظہار انہوں نے گزشتہ روز ایبٹ آباد کرکٹ سٹیڈیم میں جاری قومی خو اتین کرکٹ ٹیم کے تربیتی کیمپ کے موقع پر کھلاڑیوں کو خصوصی لیکچر دیتے ہوئے کیا جبکہ کیمپ کمانڈنٹ مارک کولز سمیت تربیتی کیمپ سے متعلقہ تمام آفیشلز بھی اس موقع پر موجود تھے سلیم جعفر نے خصوصی طور پر فاسٹ باؤلنگ سے وابستہ خواتین باؤلرز کو باؤلنگ میں بہتری لانے کے لئے اور اپنے کھیل کو جدید تقاضوں سے ہم آہنگ بنانے کے حوالے سے ٹپس بھی دیں اور عملی طور پر اس کی مشق بھی کرائی اور ساتھ ساتھ کھلاڑیوں کو ہدایت کی وہ پاکستانی پرچم کی سر بلندی کے لئے ہر طرح کی صورتحال سے اپنے آپ کو ہم آہنگ کرتے ہوئے اپنے ملک کی عزت اور وقار کے لئے دن رات ایک کر دیں قبل ازیں قومی خواتینکرکٹ کیمپ میں شریک کھلاڑیوں نے پاکستان کے خوبصورت ترین پفر گالف کلب کا دورہ کیا اور گالف کے کھیل میں اپنی مہارت ثابت کرنے کی کوشش کی پاکستانی خواتین کھلاڑیوں کی ٹیم مینجمنٹ بمعہ کھلاڑیوں کے انتہائی خوش نظر آئی اس دورے میں انہوں نے بھرپور انجوائے کیا اسے اپنی حسین یادوں کاحصہ قرار دیا جبکہ دوسری جانب پاکستان خواتین کرکٹ ٹیم فٹنس میں بہتری لانے کی غرض سے 28اگست کو پی ٹی سکول پی ایم اے کاکول کا بھی دورہ کرے گی اور پورا دن وہاں گزارے گی

مزید :

کھیل اور کھلاڑی -