کراچی میں بارش کے بعد سیلابی صورتحال ، پاک فوج نے میدان سنبھال لیا ، شہریوں نے سکھ کا سانس لیا 

کراچی میں بارش کے بعد سیلابی صورتحال ، پاک فوج نے میدان سنبھال لیا ، شہریوں ...
کراچی میں بارش کے بعد سیلابی صورتحال ، پاک فوج نے میدان سنبھال لیا ، شہریوں نے سکھ کا سانس لیا 

  

کراچی (ڈیلی پاکستان آن لائن )کراچی میں بارش کے بعد پیدا ہونے والی سیلابی صورت حال سے نمٹنے کے لیے پاک آرمی نے فلڈ ایمرجنسی کنٹرول سینٹر قائم کر دیا ہے۔

تفصیلات کے مطابق کراچی سمیت سندھ کے مختلف شہروں میں شدید بارشوں کا سلسلہ جاری ہے، بارش کے باعث کئی علاقے زیر آب آ گئے ہیں جب کہ کئی علاقوں میں لوگ محصور ہو گئے ہیں۔آئی ایس پی آر سے جاری اعلامیے کے مطابق شہر میں 36 مقامات پر نکاسی آب کا عمل مکمل کر لیا گیا ہے جب کہ کراچی کے علاقوں گلبرگ، لیاقت آباد اور نیو کراچی میں میڈیکل کیمپ قائم کر دیے گئے ہیں۔

پاک فوج کے شعبہ تعلقات عامہ کے مطابق ناردرن بائی پاس کے قریب ایم نائن پر بند کو محفوظ کر دیا گیا ہے جب کہ قائد آباد کے قریب فوجی جوانوں نے ملیر ندی کا شگاف پ±ر کر دیا ہے۔آئی ایس پی آر کا کہنا ہے کہ نیوی کے غوطہ خوروں نے شاہ فیصل ٹاو¿ن اور کورنگی سے دو لاشوں کو نکال لیا گیا ہے۔

شعبہ تعلقات عامہ کے مطابق دادو میں صورت حال سے نمٹنے کے لیے فوجی جوانوں کو روانہ کر دیا گیا ہے، میر پور خاص کی تحصیل جھوڈو کی پورن ڈرین میں شگاف کے باعث سیلابی پانی قریب کے پانچ دیہات میں داخل ہو گیا ہے، شگاف کو پر کیا جا رہا ہے۔

مزید :

قومی -