ون ڈے رینکنگ، حسن علی باؤلرزاورحفیظ آل راؤنڈرز میں سرفہرست

ون ڈے رینکنگ، حسن علی باؤلرزاورحفیظ آل راؤنڈرز میں سرفہرست
 ون ڈے رینکنگ، حسن علی باؤلرزاورحفیظ آل راؤنڈرز میں سرفہرست

  


دبئی(نیٹ نیوز) آئی سی سی نے بھارت اورسری لنکا سیریز کے اختتام پر تازہ ترین ون ڈے رینکنگ جاری کردی ہے جس میں جنوبی افریقا کی اولین پوزیشن برقرار ہے جبکہ بولروں میں پاکستان کے حسن علی اورآل راؤنڈر میں محمدحفیظ نمبر ایک ہیں۔ بابراعظم بیٹنگ میں چوتھے نمبر پر موجود ہیں۔بھارت آٹھویں نمبرکی ٹیم سری لنکاکے خلاف 3-0صفرکی فتح کے باوجود بدستور دوسرے نمبر پرموجود ہے۔اسی طرح آسٹریلیا، انگلینڈ، نیوزی لینڈ اورپاکستان کی تیسری سے چھٹی پوزیشن بھی برقرار ہے بیٹنگ میں بھارتی کپتان ویرات کوہلی اوربولنگ میں پاکستانی فاسٹ بولرحسن علی سرفہرست ہیں۔بولنگ پرپابندی کے باوجود محمد حفیظ نمبر ون آل رانڈر ہیں۔پاکستان کے رائزنگ اسٹار بابراعظم بیٹنگ میں چوتھی پوزیشن پربراجمان ہیں۔

دوسرے کھلاڑیوں میں ڈی ویلیئرز،ڈیوڈ وارنر اورروہت شرما پہلی پانچ پوزیشنوں پر موجود ہیں۔ نیوزی لینڈ کے فاسٹ بولرٹرینٹ بولٹ نے ونڈیزسے سیریز میں دس وکٹیں لیکرچوتھی پوزیشن حاصل کرلی۔جنوبی افریقہ کے عمران طاہراوربھارتی جسپریت بمرا دوسری اورتیسری پوزیشن پرموجود ہیں۔

مزید : کھیل اور کھلاڑی