ٹی وائٹنربنانے والی کمپنیاں ڈبوں پر"یہ دودھ نہیں ہے"واضح لکھیں،سپریم کورٹ کا کمپنیوں کو وارننگ شائع کرنے کا حکم

ٹی وائٹنربنانے والی کمپنیاں ڈبوں پر"یہ دودھ نہیں ہے"واضح لکھیں،سپریم کورٹ کا ...
ٹی وائٹنربنانے والی کمپنیاں ڈبوں پر

  


لاہور (ڈیلی پاکستان آن لائن)سپریم کورٹ آف پاکستان نے دودھ بنانے والی کمپنیوں کو ڈبوں پر وارننگ شائع کرنے کا حکم دیتے ہوئے کہا کہ ٹی وائٹنربنانے والی کمپنیاں ڈبوں پر"یہ دودھ نہیں ہے"واضح لکھیں،عدالت نے دودھ بنانے والی 7 کمپنیوں کو نوٹس جاری کرتے ہوئے جواب طلب کر لیا۔

تفصیلات کے مطابق سپریم کورٹ لاہور رجسٹری میں خشک دودھ سے متعلق درخواست کی سماعت ہوئی، چیف جسٹس کی سربراہی میں 2 رکنی بنچ نے سماعت کی، دوران سماعت چیف جسٹس نے ڈی جی فوڈ سے استفسار کیا کہ کتنی کمپنیاں دودھ فروخت کر رہی ہیں،چائے بنانے والے پاو¿ڈرکودودھ کے نام پرفروخت کیاجارہاہے اورمویشیوں کوزیادہ دودھ کیلئے ٹیکے لگائے جاتے ہیں۔چیف جسٹس آف پاکستان نے کہا کہ پولٹری انڈسٹری میں بھی سٹیرائیڈزکااستعمال کیاجارہاہے۔

چیف جسٹس ثاقب نثار نے ریمارکس دیتے ہوئے کہا کہ میں خودسوکھے دودھ کامتاثرہوں،حکیم کے کہنے پرسوکھے دودھ سے چھٹکاراحاصل کیا، عدالت دودھ بنانے والی 7 کمپنیوں کو ڈبوں پر وارننگ شائع کرنے کا حکم دیتے ہوئے جواب طلب کر لیا۔

لائیو ٹی وی دیکھنے کے لئے اس لنک پر کلک کریں

مزید : قومی