نیشنل گرڈ کو ریکارڈ 34ارب 67کروڑ 80لاکھ یونٹ پن بجلی مہیاکی گئی 

نیشنل گرڈ کو ریکارڈ 34ارب 67کروڑ 80لاکھ یونٹ پن بجلی مہیاکی گئی 

  



اسلام آباد (این این آئی)2019 پاکستان میں پانی اور پن بجلی کے وسائل کی ترقی کے لیے تاریخی سال ثابت ہوا ہے۔تفصیلات کے مطابق رواں سال نیشنل گرڈ کو ریکارڈ 34 ارب 67 کروڑ 80 لاکھ یونٹ پن بجلی مہیا کی گئی، جس کی مدد سے گزشتہ سال کے مقابلے میں پن بجلی کی پیداوار میں 6 ارب 32 کروڑ 10 لاکھ یونٹ اضافہ ہوا۔تربیلا چوتھا توسیعی منصوبہ، نیلم جہلم اور گولن گول پراجیکٹ پن بجلی کی ریکارڈ پیداوار کی بنیادی وجوہات ہیں۔2019 میں (بقیہ نمبر55صفحہ12پر)

 51 سال کے تعطل کے بعد مہمند ڈیم پر تعمیراتی کام کا آغاز کیا گیا۔دیا مر بھاشا ڈیم کے لیے مشاورتی خدمات اور ڈیم پارٹ کی تعمیر کے لیے بڈز کی جانچ پڑتال مکمل کی جاچکی ہے اور اس عظیم منصوبے پر تعمیراتی کام اگلے دو ماہ میں شروع ہو جائے گا۔رواں سال ہی وزیر اعظم نے سندھ بیراج جیسے اہم منصوبے کی منظوری بھی دی۔خیال رہے کہ کچھ عرصہ قبل وفاقی وزیر برائے توانائی عمر ایوب نے کہا تھا کہ حکومت انرجی مکس میں 18 سے 20 ہزار میگاواٹ آبی توانائی شامل کرنے کی منصوبہ بندی کر رہی ہے، 2030 تک 70 فیصد بجلی متبادل ذرائع سے حاصل کی جائے گی۔انہوں نے کہا تھا کہ آبی وسائل میں سرمایہ کاری کے ذریعے مجموعی ملکی پیداوار (جی ڈی پی) میں ایک فیصد اضافہ ہوگا۔وفاقی وزیر نے بتایا کہ تربیلا، منگلا، غازی بروتھا اور خانپورڈیم  کے علاوہ نہروں کے کنارے تیرتے شمسی پینلز (فلوٹنگ سولر پینلز) نصب کیے جائیں گے۔

پن بجلی

مزید : ملتان صفحہ آخر


loading...