بلاول اپنی قوت والدہ کے قاتلوں کو ڈھونڈنے میں لگائیں، حلیم عادل

بلاول اپنی قوت والدہ کے قاتلوں کو ڈھونڈنے میں لگائیں، حلیم عادل

  

کراچی (آن لائن)اپوزیشن لیڈر سندھ اسمبلی حلیم عادل شیخ نے کہا ہے  کہ پیپلزپارٹی میں ذہنی بیمار لوگ حکومت بنانے کے خواب دیکھ رہے ہیں، زرداری صاحب کی اداکاری پر قربان جائیں، ان جیسا مسکین و معصوم قزاق دنیا میں موجود نہیں، بلاول قلابازیوں کے بجائے اپنی قوت والدہ کے قاتلوں کو ڈھونڈنے میں لگائیں۔  چیرمین  پی پی پی بلاول بھٹو  زرداری کے گڑھی خدابخش میں  خطاب پر رد عمل دیتے ہوئے  اپوزیشن لیڈر سندھ اسمبلی نے کہا ہے کہ شہید محترمہ بے نظیر بھٹو کی سیاست پر ان پڑھ اور وڈیرہ ذہنیت لوگ قابض ہوئے، شہید محترمہ کی برسی پر ان کے ذکر کے بجائے زرداری عمران خان کو یاد کرتے رہے۔حلیم عادل شیخ نے کہا ہے کہ شہید محترمہ کی جماعت اور سیاست سمیت سندھ پر جعلی لوگوں کا قبضہ ہم چھڑائیں گے، بلاول اپنی شکل اور عقل دیکھ کر بات کریں عمران خان پاکستانی قوم کے لیڈر ہیں۔انہوں نے کہا کہ لاہور میں بننے والی جماعت کو لاڑکانہ میں دفن کرنے والے بھڑکیں ماررہے ہیں، بلاول اور ان کے“ڈیڈٰی”سندھ سے کرائے پر کارکنان لاہور لیکر آ ئیں گے، پنجاب کے باشعور عوام نے روٹی کپڑا مکان کا نعرہ 2013 میں ہی دفن کردیا تھا۔اپوزیشن لیڈر سندھ اسمبلی حلیم عادل شیخ نے کہا ہے کہ بلاول لاہور  آنے سے قبل لاڑکانہ کے عوام کی ایڈز سے جان چھڑائیں،  آنے  والے الیکشن میں سندھ کی عوام بھی روٹی کپڑا مکان کا نعرہ ہمیشہ کے لیے دفن کردے گی۔ 

 حلیم عادل  

مزید :

علاقائی -