اسرائیل کا شام پر میزائل حملہ ، لطاکیہ کی بندرگاہ کو نشانہ بنایا گیا
دمشق ( ڈیلی پاکستان آن لائن ) اسرائیل نے شام کی بندر گاہ لطاکیہ پر میزائل فائر کر دیا ، میزائل کے باعث کسی جانی نقصان کی اطلاع نہیں ملی ۔
نجی ٹی وی 92 نیوز نےخبر ایجنسی کے حوالے سے بتایا کہ میزائل حمل کے باعث بندرگاہ پر موجود کنٹینرز میں آگ لگ گئی ۔ شام کے سرکاری میڈیا کے مطابق کئی میزائل بندرگاہ کے کنٹینر ایریا پر گرے جس سے آگ لگی اور بڑے پیمانے پر مالی نقصان ہوا ، میزائل بحیرہ روم کی سمت سے آئے تھے ۔
شام کے سرکاری میڈیا کا کہنا ہے کہ حملے میں تاحال کسی جانی نقصان کی اطلاع نہیں ملی ۔
