امریکہ میں 130 سال پرانا ٹائم کیپسول برآمد، اس میں کیا کچھ ہے؟

امریکہ میں 130 سال پرانا ٹائم کیپسول برآمد، اس میں کیا کچھ ہے؟
امریکہ میں 130 سال پرانا ٹائم کیپسول برآمد، اس میں کیا کچھ ہے؟
سورس: Twitter

  

رچمنڈ (ڈیلی پاکستان آن لائن) امریکی ریاست ورجینیا میں ایک مجسمے کے پلیٹ فارم سے 130 سال پرانا ٹائم کیپسول برآمد ہوا ہے جس میں اس وقت کے زمانے کی معلومات ہوسکتی ہیں۔

ورجینیا کے گورنر رالف ناتھم نے ٹائم کیپسول کی تصاویر شیئر کرتے ہوئے کہا کہ ممکنہ طور پر یہ وہی ٹائم کیپسول ہوسکتا ہے جس کو سب لوگ تلاش کر رہے تھے۔

خبر ایجنسی اے ایف پی کے مطابق یہ ٹائم کیپسول  1887  میں امریکی خانہ جنگی کے دوران دفن کیا گیا تھا۔ اس ٹائم کیپسول میں بٹن ، گولیاں، کنفیڈریٹ کرنسی، نقشہ جات، مقتول صدر ابراہم لنکن کی تابوت میں لی گئی نایاب تصویر اور دیگر اشیا شامل ہیں۔

ورجینیا کے دارالحکومت  رچمنڈ میں جو کہ 1861  سے 1865 تک کی خونی سول وار کے دوران جنوب کا دارالحکومت تھا، لگا ہوا رابرٹ ای لی کا مجسمہ رواں برس ستمبر میں ہٹا گیا تھا، اسی مجسمے کی بنیادوں سے یہ ٹائم کیپسول برآمد ہوا ہے۔

ورجینیا کے گورنر رالف ناتھم نے ٹائم کیپسول کی ایکسرے تصویر شیئر کرتے ہوئے بتایا کہ اس باکس کو ماہرین کی موجودگی میں منگل کو امریکی وقت کے مطابق دوپہر ایک بجے  (پاکستانی وقت کے مطابق رات 11 بجے) کھولا جائے گا۔

مزید :

ڈیلی بائیٹس -بین الاقوامی -