ڈی ویلیئرز اور عمران طاہر نے ویسٹ انڈیز کو بے بس کردیا
جنوبی افریقن ٹیم نے ویسٹ انڈیز کو شکست دیکر کئی عالمی ریکارڈ بھی اپنے نام کئے ویسٹ انڈیز کی ٹیم کو تاریخ کی بدترین شکست کا سامنا کرنا پڑا ڈی ویلیئرز نے اتنی عمدہ بیٹنگ کی کہ جس کی جتنی بھی تعریف کی جائے کم ہے میچ یکطرفہ ثابت ہوا جبکہ توقع کیجارہی تھی کہ یہ میچ کانٹے دار ثابت ہوگا اس میچ میں کامیابی کے ساتھ ہی جنوبی افریقہ کی ٹیم نے ایونٹ میں اپنی دوسری کامیابی حاصل کرلی اور اپنی پوزیشن مستحکم کرلی اس میچ میں جس طرح افریقن کھلاڑیوں نے تینوں شعبوں میں بہترین کارکردگی کا مظاہرہ کیا وہ ناقابل فراموش ہے کپتا ن ڈی ویلیئرز نے تیز ترین نصف سنچری، سنچری اور پھر150 رنز بنانے کا اعزاز اپنے نام کرلیا جب انہوں نے جارحانہ بیٹنگ کا سلسلہ شروع کیا تو اسوقت ویسٹ انڈین باؤلرز ان کے سامنے بالکل بے بس نظر آئے اور انہوں نے سٹیڈیم کے چاروں طرف زبردست سڑوک کھیلے افریقہ کی ٹیم کو اس سے قبل بھارت کے ہاتھوں شکست کا سامنا کرنا پڑا تھا لیکن اس میچ میں اس نے بہت اچھے طریقہ سے کم بیک کیا اور مضبوط ٹیم بن کر سامنے آئی ویسٹ انڈیز کی ٹیم جس نے پاکستان کے خلاف تو کامیابی اپنے نام کی تھی اس میچ میں ہر شعبہ میں ناکام ہی نظر آئی اس میچ میں ناکامی کے بعد اب اس کی اپنے پول میں پوزیشن خطرہ میں پڑ گئی ہے اس میچ میں اس کو بہت بڑے مارجن سے شکست کا سامنا کرنا پڑا جس کی وجہ سے اس کا رن ریٹ خراب ہوگیاویسٹ انڈیز کی طرف سے کرس گیل جنہوں نے زمبابوے کے خلاف جارحانہ کھیل پیش کیا اس میچ میں وہ بے بس نظر آئے ڈی ویلیرز کے ساتھ ساتھ اگر باؤلنگ کی بات کیجائے تو عمران طاہر نے بہترین باؤلنگ کا مظاہر ہ کیا اور انہوں نے اس میچ میں پانچ وکٹیں اپنے نام کیں انہوں نے بہت شاندار باؤلنگ کا مظاہر ہ کیا اور ویسٹ انڈین بیٹسمینوں کو دباؤ میں رکھا عمران طاہر نے کیریئر کی بہترین باؤلنگ کا مظاہرہ کیا اس میچ میں جنوبی افریقہ کے تمام کھلاڑیوں کی کارکردگی قابل تعریف ہے اور اس میچ میں جس طر ح اس نے کامیابی اپنے نام کی ہے اس کو دیکھتے ہوئے کہا جاسکتا ہے کہ و ہ کوارٹر فائنل تک آسانی سے رسائی حاصل کرنے میں کامیاب ہوجائے گی افریقن ٹیم نے اس میچ میں جس طرح کامیابی اپنے نام کی ہے اس نے شائقین کرکٹ کے دل جیت لئے ہیں ۔